instituta et sub cura ordinis fratrum predicatorum viventes, quibus licet habere proprium in communi, ex indulto sedis apostolice speciali, Vesprimiensis diocesis, quod nonnuli iniquitatis filii, quos prorsus ignorant, decimas, census, redditus, legata, terras, domos, possessiones, ortos, pascua, prata, nemora, instrumenta publica et quedam alia bona, ad ipsum monasterium spectancia, temere ac maliciose occultare et occulte detinere presumunt, non curantes ea dictis priorisse et conventui exhibere, in animarfom suarum periculum et dictarum priorisse et conventus, ac monasterii non modicum detrimentum; super quo eedem priorissa et conventus apostolice sedis remedium implorarunt. Quocirca discrecioni tue per apostolica scripta mandamus, quatinus omnes huiusmodi occultos detentores decimarum, censuum, reddituum et bonorum aliorum predictorum, ex paternitate nostra, publice in ecclesiis coram populo, per te vel per alium moneas, ut infra competentem terminum, a te prefigendum eisdem, ea predictis priorisse et conventui a se debita restituant et revelent, ac de ipsis plenam et debitam satisfaccionem impendant; et si id non impleverint, infra alium terminum competentem, quem eis ad hoc peremtorie dixeris prefigendum, extunc in eos generalem excommunicacionis sentenciam proferas, faciens eam ubi et quando expedit videns, usque ad satisfaccionem condignam, solenniter publicari. Datum in Auinione, III Kalendas Februarii[125], pontificatus nostri anno undecimo.
Nos igitur, tanquam filius vere obediencie, ut ex debito sic ex voto, recepimus, acceptavimus et suscepimus mandatum apostolicum, nobis impositum, volentes prosequi fines mandati, observando et nichil obmittendo, et mandare execucioni contra omnes et presertim contra monasterium et iura predictarum dominarum de Insula procedentes, vel usurpantes indebite et iuste (sic!), et nichilominus freti auctoritate apostolica, contra tales per censuram ecclesiasticam procedemus, donec satisfacere compellantur. Datum in die loco et anno ut supra.
Sigillum cum zona periit. – Orig. membr., in Arch. Reg. Hung. Regnicol. M. O. D. L. 2476.

187.
1328. Avignon. 19. Febr. – Joannes PP. XXII., libertates, immunitates et indulgentias, monasterio S. Benedicti de juxta Gron concessas, confirmat.
Ed. Cod. Andegav. T. II. 348.

188.
1328. (Esztergom.) 21. Febr. – Capitulum Strigoniense, molendinum in Németi, retento iure dominii, tribus marcis vendit,
Nos Theophilus prepositus et capitulum, Strigoniensis ecclesie, significamus tenore presencium universis, quod nos quoddam molendinum nostrum et in terra nostra existens in aqua Scinniche, prope villam nostram Nemty situm et locatum, et iam a multis temporibus antiquitum et confractum, ita quod usum molendi non habuit, vendidimus Elye filio quondam Gobel, iobagioni nostro de eadem villa nostra Nemty, in filios filiorum, pro tribus marcis mercimonialis argenti plene habitis et receptis ab eodem, perpetuo possidendum, tenendum et habendum; hac condicione apposita, quod singulis annis iidem Elyas, vel sui posteri, solvent nobis singulos fertones fini argenti; salvo nichilominus iure

[125] 1327. 30. Jan.