dominii ipsius molendini. Datum, in dominica qua cantatur Invocavit, anno Domini M-o CCC-o XX-o octavo.
Sigillum minus tergo fuit appressum. – Orig. membr., in Arch. Cap. Strig. Priv. Lad. 18. fasc. 3. nr. 1.

189.
1328. – 22. Febr. – Carolus I. rex, Alexandri comitis, iudicis curiae regiae, definitivam senlentiam super possessione Türnye seu Csukárfalva, pro capitulo Poson. transscribit, statutionemque comprobat.
[K]arolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus, presentibus pariter et futuris, presencium noticiam habituris, salutem in omnium Salvatore. Si maiestas regia equitatis tramite et iusticie debet incedere, dignum est ut causarum fines iusto iudicio discussarum, ad extirpandam litis maliciam, sui privilegii patrocinio fulciat et confirmet, ne processu temporum veritati prevaleat falsitas et iniquitas preiudicet equitati, vel lites ex litibus oriantur. Proinde cunctorum noticie, harum serie volumus pervenire: quod discretus vir magister Nicolaus, prepositus ecclesie Posoniensis, comes capelle nostre, suo et dicte ecclesie, ac capituli eiusdem nomine et vice, ad nostram accedens presenciam, exhibuit nobis litteras privilegiales magnifici viri comitis Alexandri, quondam iudicis curie nostre bone memorie, diffinitivam sentenciam, super possessione Turnie, sive alio nomine Chukarfolua vocata, in comitatu Posoniensi existente, ab Andrea filio Nycolai, Johanne filio Chama, Thoma filio Lepoldy, ac Johanne filio Nicolai dicti Bod, (sic!) ac tota generacione eorum, per ipsos prepositum et capitulum ordine iudiciario requisita et optenta, pro eisdem preposito et capitulo prolatam continentes, petens a nobis humiliter et devote, ut eas super dicta diffinitiva sentencia et legitima, dicte possessionis optencione, ratas habere et nostro dignaremur privilegio confirmare. Quarum tenor talis est:
Sequitur nr. 184. ut supra[126].
Item dictus prepositus exhibuit eciam nobis litteras capituli Strigoniensis, in quibus vidimus contineri, quod cum ad requisicionem dicti comitis Alexandri iudicis curie nostre, capitulum ipsum Strigoniense, cum Paulo de Wgal, notario et homine ipsius iudicis curie nostre, post iudicium et sentenciam diffinitivam, pro discreto viro magistro Nicolao preposito et capitulo Posoniensi, contra Andream filium Nicolai de Neek, Johannem filium Chama, Thomam filium Lypoldy de Paka, et Johannem filium Nicolai dicti Bwd predictos, ac alios fratres et totam generacionem eorumdem, super dicta possessione Twrnye, alio nomine Chukarfolua vocata, in comitatu Posoniensi existenti promulgatam, ad statuendum ipsam possessionem preposito et capitulo Posoniensi memoratis, si contradictores alii non existerent, discretum virum magistrum Nicolaum socium et concanonicum ipsorum, pro testimonio destinassent, idem homo iudicis prefati et dictus magister Nicolaus homo ipsorum, scilicet capituli Strigoniensis prenotati, demum ad ipsum capitulum Strigoniense redeuntes concorditer retulissent: quod in festo beati Blasii martiris[127], hoc anno, ad faciem dicte possessionis accessissent, et convocatis omnibus vicinis et commetaneis

[126] 1328. 25. Jan.

[127] 1328. 3. Febr.