commetaneis possessionis eiusdem, cum nullus contradictor extitisset, predictam possessionem, cum ecclesia parochiali et aliis omnibus suis utilitatibus et pertinenciis, sub metis et limitacionibus seu terminis, quibus antiquitus possessa extitit, statuissent, cum homine magistri Nicolai comitis Posoniensis, Petew nomine dicto Toor, ad statuendum eciam destinato, ipsis preposito et capitulo Posoniensi perpetuo possidendam, in corporalem possessionem predicte terre Thomam custodem ecclesie Posoniensis, et quosdam alios canonicos et procuratores dictorum prepositi et capituli Posoniensis, nomine eiusdem ecclesie perhempniter inducendo. Nos itaque iustis et legitimis eiusdem prepositi Posoniensis peticionibus, de solite regie benignitatis gracia, favorabiliter inclinati, tenorem earumdem privilegialium, per nos diligencius recensitarum et attencius percunctatarum, non abrasum, non cancellatum, nec in aliqua sui parte viciatum, sed ab omni suspicione semotum, de verbo ad verbum presentibus insertum, nec non et tenorem litterarum predicti capituli Strigoniensis cum diligencia examinatum, ac totum processum iudicium et sentenciam diffinitivam ipsius iudicis curie nostre, et statucionem de predicta possessione prenotatis preposito et capitulo Posoniensi factam, et in corporalem eiusdem possessionis induccionem eorumdem, acceptamus, approbamus et ratificamus; ipsasque litteras privilegiales et possessionem memoratam, ipsi ecclesie Posoniensi, sub appensione sigilli nostri novi ac autentici perpetuamus, et presentis scripti patrocinio, ex certa nostra sciencia, de consilio infrascriptorum prelatorum et baronum regni nostri, perpetuo confirmamus. In cuius rei memoriam, firmitatemque perpetuam, presentes concessimus litteras nostras privilegiales, novi et autentici sigilli nostri dupplicis munimine roboratas. Datum, per manus discreti viri magistri Andre, prepositi Albensis, aule nostre vicecancellarii dilecti et fidelis nostri, anno Domini Millesimo trechientesimo XX octavo[128], octavo Kalendas Marcii, regni autem nostri similiter XX octavo. Venerabilibus in Christo patribus dominis Bolezlao Strigoniensi, locique eiusdem comite perpetuo, et fratre Ladizlao Colocensi, aule regie cancellario, archiepiscopis; Johanne Nitriensi, Benedicto Chanadiensi, Georgio de Sancto Irineo, Nicolao Jauriensi, fratre Petro Boznensi, Iwanka Waradiensi, Ladizlao Quinqueecclesiensi, Andrea Transsiluano, Herrico Wesprimiensi, aule domine regine cancellario, Laurencio Waciensi et Chanadino Agriensi episcopis, ecclesias Dei feliciter gubernantibus. Magnificis baronibus Mykch bano tocius Sclauonie; Demetrio magistro tawarnicorum nostrorum, comite Bachiensi et Trinchyniensi; Desew iudice curie predicte domine regine; Paulo bano de Machou, comite Sirmiensi, de Wolkow et de Bodrog; Stephano magistro agasonum nostrorum et Dyonisio dapiferorum magistris, Nicolao comite Posoniensi, aliisque quam pluribus, comitatus regni nostri tenentibus et honores.
Fragmen sigilli e rubro et flavo serico pendet. – Orig. membr., in Arch. Cap. Poson. Priv. Capsa C. fasc. nr. 40. – Transscripsit a 1357. 18. Jan. Ludovicus I. rex, Ibidem nr. 42. – Comes Alexander, iudex curiae regiae, cuius hic literae 25. Jan. exaratae transscribuntur, intra hunc diem et datum huius diplomatis, in quo iam ut "bonae memoriae" commemoratur, vita fungi debuit.

---

[128] 1328. 22. Febr.