190.
1328. Avignon. 1. Mart. Joannes PP. XXIL, jubet praeposito Albensi, ut bona abalienata monasterii S. Benedicti de juxta Gron, a nonnullis clericis et laicis, recuperet.
Ed. Cod. Andeg. T. II. 352.

191.
1328. Avignon. 11. Mart. – Caucelinus episcopus Albanensis, absolvit ab irregularitate Nicolaum de Broda, monachum Ord. S. Benedicti.
Caucelinus miseracione divina episcopus Albanensis, dilecto in Christo fratri Nicolao de Broda, monacho monasterii de Sancto Benedicto, ordinis eiusdem sancti Benedicti, Strigoniensis diocesis, salutem in Domino. Lecta per nos sanctissimo in Christo patri et domino, domino Johanni pape XXII. tua peticio continebatur: quod cum olim venerabilis iti Christo pater . . archiepiscopus Strigoniensis, fratrem Heydenricum, abbatem monasterii de Cluswar predicti ordinis, Albensis diocesis, propter nonnullos excessus per eum perpetratos, quos idem . . archiepiscopus habet de consuetudine corrigere, a regimine ipsius monasterii amovisset, ipsum monasterium de Cluswar . . abbati de Dombo, Colocensis diocesis, regendum et gubernandum comendavit. Et deinde idem abbas de Dombo tibi, tunc suo monacho existenti, auctoritate dicti . . archiepiscopi et sua, regimen prefati monasterii commisit, infra tamen mensem te postmodum ab ipso regimine revocavit. Cui revocacioni acquiescere, seu obedire minime curavisti, ymo tenuisti ipsum regimen sicut prius, et quendam monachum eiusdem monasterii proprietarium, qui pecuniam suam tradebat, seu dabat frequenter laycis, pro lucro temporali, licet ut a talibus desisteret sepe monitus fuisset, propter eius inobedienciam captivari fecisti, et sub diligenti custodia, in quadam magna camera in compedibus, absque corporali lesione alia, detineri mandasti; large sibi vite necessaria ministrando. Quarta vero die, post dicti monachi captivacionem, ad regem Vngarie pro negociis sepedicti monasterii expediendo accessisti, dimissis honestis custodibus monacho captivato. Qui quidem custodes, eundem captivum, quadam die, dato sibi prandio, sanum in camera dimiserunt, et eadem die circa vesperas, ipsum, sedentem in lecto suo, mortuum invenerunt; te absente et hoc penitus ignorante. Super quibus supplicasti humiliter, tibi per sedem apostolicam de oportuno remedio misericorditer provideri. Nos igitur, auctoritate domini pape, cuius penitenciarie curam gerimus, et de eius speciali mandato, te a sentencia excommunicacionis, quam ob predicta incurristi, et a reatibus et excessibus supradictis, absolvimus in forma ecclesie consueta. Et iniuncta inde tibi penitencia, quam tibi vidimus iniungendum super irregularitate inde contracta, quodque premissis non obstantibus in tuis ordinibus valeas licite ministrare, te cum auctoritate et mandato predictis misericorditer dispensamus. In cuius rei testimonium, presenles inde litteras, nostro sigillatas sigillo, tibi duximus concedendas. Datum Auinione, V Idus Marcii, pontificatus domini Johannis pape XXII. anno duodecimo.
Fragmen sigilli rubro cereo impressi e flavo serico pendet. – Orig. membr., in Arch. Primat. Ecclesiast. Vetus. 25/2.