locate, modo antedicto distinguentes; abhinc reflectitur versus meridiem et ulterius eundo adiungitur terris castrensium de Paka, ubi sunt quatuor mete, quarum una nova scilicet distinguit ipsam particulam terre, secunda magistri Sebus, tercia castrensium memoratorum, et quarta Blasii, filii Georgii; deinde redzyt versus occidentem et ulterius eundo sunt tres antique mete et una nova, quarum una nova videlicet, distinguit ipsam particulam terre Lorandi, secunda ecclesie Sancti Salvatoris, tercia Sebus et Petri, ac quarta Blasii, filii Georgii; abhinc transit versus septemtrionem et ulterius eundo sunt due mete, quarum una nova distinguit dictam particulam terre, secunda vero antiqua distinguit terram Foko; deinde vadit similiter et adiungitur iterato terris ecclesie Sancti Salvatoris, ubi est una nova meta, que separat predictam particulam terre, et secunda antiqua terram ipsius ecclesie Sancti Salvatoris; deinde protenditur versus orientem et ulterius eundo est una nova meta prope fossatum ville Foko, que distinguit ipsam particulam terre a terris Foko; abhinc ulterius eundo est una nova meta, que distinguit ipsam terram et secunda antiqua, que distinguit terram Foko; deinde vadit ulterius et sunt due mete nove, distinguentes inter ipsum Lorandum et Sebus, ac Petrum; abhinc procedendo sunt due nove mete, distinguentes tamquam prime due; deinde redyt ad primam metam, ibidemque cursus earumdem metatur (sic!) terminatur. Obligando se, quod quicunque processu temporum eosdem Lorandum et Mog, ac eorum heredes, heredumque suorum successores, occasione dicte particule terre, vellent forsitan molestare, extunc iidem magistri Sebus et Petrus, ac eorum heredes, heredumque suorum successores, tenerentur expedire propriis laboribus et expensis. In cuius rei testimonium, ad instancias parcium, presentes concessimus litteras sigilli nostri autentici munimine consignatas. Datum, sabbato proximo ante festum sancte Trinitatis, anno eiusdem M-o CCC-o vigesimo octavo.
A. B. C.
Sigillum cum zona periit. – Orig. membr., in Arch. Cap. Poson. Capsa 9. fasc. L. nr. 3.

199.
1328. Gelle. 9. Jun. – Magister Nicolaus Treutel, comes Posoniensis, ad preces Michaelis presbyteri plebani, et universorum parochianorum ecclesiae b. Petri Apostoli in eadem Gelle, concessit, ut iobagiones ipsius ecclesiae, nullo tempore sibi, vel officialibus suis aliqua debita vel exactiones solvere teneantur, nec aliqua servitia debeant exhibere.
E transsumpto a. 1735 exarato, in Arch. Capit. Strig. Priv. Miscellanea.

200.
1328. (Nyitra.) 28. Jun. – Capitulum Nitriense, filios Emerici de Bossany, terram Ozna, filiis Zonchuk oppignorasse, perhibet.
Nos capitulum ecclesie Nitriensis, damus pro memoria, quod cum secundum continenciam priorum litterarum nostrarum memorialium, Janka, filius Emerici de Wospan, St(ephanus), Nicolaus et Jacobus, ac Peteu filii sui, nec non Baka frater eiusdem, terram eorum, Ozna vocatam, in comitatu Borsiensi existentem, Rubino, Nicolao, Dyonisio et Johanni comitibus; filiis Zonchuk, pro

---