sedecim marcis denariorum, sub pena dupli si terminum redempcionis obmiterent, pignori obligatam, prout in ipsis litteris nostris prioribus continetur, in festo beati Johannis Baptiste proximo preterito, redimere debuissent, ipso termino adveniente, dicti Janka, filii sui, et Baka frater eiusdem, ad redimendam dictam terram non venerunt, nec miserunt, dictis comite Rubino, Nicolao, St(ephano), Jacobo et Johanne, filiis Zonchuk, quatuor diebus continuis legitime coram nobis exspectantibus. Datum, quintto die termini, videlicet festi beati Johannis Baptiste antedicte, anno domini M-o CCC-mo XX-mo octavo.
Extus: Super obmissione redempcionis terre Ozna, pro filiis Zonchuk, Rubino el fratribus suis contra Janka filium Emerici filii suis (sic!) et Baka frater eiusdem, ac super pena dupli. Sigillum margini ext. fuit appress. – Orig. in scheda membr., in Arch. Cap. Pos. Publ. Capsa L fasc. 3. nr. 3.

201.
1328. (Esztergom.) 13. Jul. – Magistratus Strigoniensis, comitem Stephanum et Jacobum, cives Strigon., partem terrae in Csév et Csolnok, monialibus de insula Budensi donasse testatur.
Edid. Cod. Andegav. T, II. p. 366.

202.
1328. (Esztergom.) 13. Julii. – Capitulum Strigoniense, comitem Stephanum, civem Strigon., quaedam particulas terrarum in Csév et Csolnok, monasterio de insula Budensi., donasse perhibet.
Theophylus preposius et capitulum Strigoniensis ecclesie, omnibus Christi fidelibus, presentem pagmam inspecturis, salutem in largitore salutis. Ad universorum noticiam, tam presencium quam futurorum, harum serie volumus pervenire: quod discretus vir comes Stephanus, filius quondam comitis Godyni, civis Strigoniensis et Jacobus, filius Rubini, filii eiusdem Godini ab una parte, et frater Mykael ordinis predicatorum, nomine et vice dominarum sanctimonialium de insula Budensi, tanquam procurator earum generalis parte ex altera, coram nobis personaliter constituti, iidem comes Stephanus et frater suus Jacobus, quandam partem et porcionem terre arabilis et feneti, in Cheu et Cholnuk existentem, et ipsos con tingentem, cum omnibus earum utilitatibus et pertinenciis universis, excepta parte et porcione quondam Frankyni, similiter filii Godini et suorum heredum, dederunt et donaverunt, pro remedio animarum suarum, ipsis dominabus sanctimonialibus de insula Budensi perpetuo et irrevocabiliter tenendam, possidendam et habendam. Universa eciam instrumenta, cuiuscunque virtutis, vigoris et efficacie existant, nomine ipsius comitis Godini super premissis confecta, in manus et in ius ipsarum dominarum tradentes coram nobis; et si qua aliquo ingenio vel, quovis quesito colore reservassent, reddiderunt cassa, inania et penitus viribus caritura. Ita tamen, quod si processu temporum ipsas dominas, super premissis porcionibus terrarum eis datarum et donatarum aliquis vel aliqui traherent in causam, ipsi comes Stephanus et Jacobus et eorum heredes, non tenebuntur, nec se obligant eas defendere vel tueri, cum universa munimenta et instrumenta, super hys emanata, in manus earum tradiderint; presertim et cum iidem, qui ipsum comitem Godynum defendere

---