dominus abbas liberam haberet ipsam possessionem ab eisdem auferendi potestatem, prout ad premissa se partes, coram nobis, sponte obligarunt. Datum, in festo beati Ipoliti martiris, anno Domini M-o CCC-mo XX-mo nono.
Sigillum tergo fuit appressum. Orig. membran., in Arch. Cap. Strigon. Priv. Lad. 8. fasc. 2. nr. 4.
219.
1329. – 23. Sept. – Capitulum Jauriense, ad preces Georgii, presbyteri de S. Georgio, dioec. Jaurin., literas Thomae archieppi Strig., literas Nicolai episcopi Jaurin. confirmantes et transsumentes, transscribit.
Ed. Cod. Dipl. Patr. T. III. p. 104. – Orig. in Arch. Mus. Nation. Bpest. Mat. Vet.
220.
1329. (Buda.) 31. Oct. – Magistratus Budensis Jacobum, filium Rubini, cum noverca sua, quoad bona patris sui, per compromissum concordasse testatur.
Tenorem vide sub numero 222.
221.
1329. Visegrád. 11. Nov. – Carolus I. rex, mandat capitulo de Posega, ut inquiret utrum possessio Szentbertalan esset hominis sine haerede decedentis, et event. statuet ipsam Thomae de Karthal.
Tenorem vide sub nr. 225.
222.
1329. (Esztergom.) 12. Nov. – Vicarii Nicolai, electi archiepiscopi Strigoniensis, compositionem inter Jacobum Rubini et suam novercam initam, transscribunt.
Nos Lodomerius prepositus ecclesie sancti Thome martiris de promonthorio Strigonyensi, et magister Ladizlaus lector ecclesie Strtgonyensis maioris, vicarii venerabilis viri domini Nicolai, electi Strigonyensis ecclesie, eiusdemque loci comitis perpetui, in spiritualibus generales, memorie commendantes significamus, quibus expedit, tenore presencium universis: quod nobilis et honestus iuvenis magister Jacobus, filius Rubini, civis de castro Budensi, ad nostram accedens personaliter presenciam, exhibuit nobis quasdam litteras patentes nobilium et honestorum virorum comitis Johannis, rectoris castri novi montis Peslyensis, iuratorum et universorum civium de eodem, super facto composicionis inter nobilem dominam Eles vocatam, relictam dicti Rubini patris sui, novercam videlicet eiusdem et ipsum emanatas, petens nos humiliter cum instancia, ut tenorem earumdem de verbo ad verbum nostris litteris patentibus, maiorem ad cautelam, transscribi faceremus et nostris sigillis confirmari. Cuius quidem tenor talis est:
Nos comes Johannes, rector castri novi montis Pestyensis, iurati et universi cives de eodem, commendantes significamus universis, quibus expedit, presencium per tenorem: quod cum inter dominam Eles, relictam Rubini, quondam qoncivis nostri beate memorie ab una parte; et Jacobum filiastrum eiusdem
Első
