successoribus, iure perpetuo et irrevocabiliter ac pacifice possidendam, pro centum marcis argenti, plene receptis ab eodem; quam quidem pecuniam in structuram et edificium ecclesie Sancti Spiritus predicte redigentes expenderunt, necessitate legitima exigente. Assumpsit nichilominus predictus frater Ortolfus, eundem comitem Kunclinum, suosque heredes, secundum usum et consuetudinem nostre civitatis, ab antiquo approbatam, propriis laboribus et expensis expedire ab omnibus, racione prenotate terre volentibus molestare. In cuius rei memoriam, perpetuamque firmitatem, ad instanciam et peticionem parcium, presentes concessimus litteras sigilli nostri munimine roboratas, promittentes privilegialibus litteris nostris confirmare, dum presentes nobis fuerint reportate. Datum, in octavis purificacionis Virginis Gloriose, anno Domini M-o CCC-mo tricesimo.
Sigillum tergo fuit appressum, in cera, ut videtur, rubra. – Orig. membr., in Arch. Cap. Strigon. Publ. Capsa 67. fasc. 3. nr. 7.

229.
1330. (Pozsony.) 2. Mart. – Capitulum Posoniense, quinque jugera terrae in Samod archiepiscopali, per Benedictum Dominico, duabus marcis vendidisse testatur.
Universis Christi fidelibus, presens scriptum inspecturis, capitulum ecclesie Posoniensis salutem in salutis amatore. Ad universorum, tam presencium quam futurorum noticiam, harum serie volumus pervenire: quod Matheus, filius Johannis filii Elsev, de villa Samuth archiepiscopi, ad nostram personaliter accedendo presenciam, confessus extitit: quod Benedictus, filius Elsev memorati, iam defunctus, quondam frater Johannis sui patris prenotati, de suis terris arabilibus hereditariis, in eadem terra Samuth, quinque iugera terre, Dominico filio Benke de eadem vilia Samuth, per eum suis heredibus, heredumque suorum successoribus, pro duabus marcis, cum dimidia latorum Wyennensium, plene ab eodem Dominico habitorum, in perpetuum possidenda, pariter et habenda vendidisset. Et quia idem Benedictus, morte preventus, ad nos, pro litteris super huiusmodi vendicione emanandis, venire non potuit, ob hoc nomine ac vice dicti Benedicti, proximi sui, sibi rogato et petito per eundem, sub testimonio discreti viri domini Stephani, rectoris ecclesie de villa Sancte Marie, commissis, sicut dixit, dicta quinque iugera terre, inter quandam pirum in terra eiusdem Mathei existentem et dictam villam Samuth iacencia, per Benedictum prenotatum suum proximum, eidem Dominico et suis heredibus, pro nominata quantitate pecunie fore vendita, idem Matheus affirmavit, confirmando et confirmavit affirmando. In cuius rei testimonium et perpetuam firmitatem presentes, nostro sigillo consignatas, duximus concedendas. Datum, feria sexta proxima ante dominicam Beminiscere, anno Domini millesimo trecentesimo tricesimo.
A. B. C.
Sigillum e caeruleo et flavo serico pendebat. – Orig. membran., in Arch. Cap. Poson. Priv. Capsa A. fasc. 8. nr. 1.