confirmamus. Exhibuit eciam idem Stephanus, frater, Colomani, privilegium transscripcionis memorati conventus cruciferorum, plerorumque instrumentorum causalium, super pallacio sepedicto, contra capitulum Strigoniense antedictum, scilicet causaliter emanatorum et cause eviccionalium, ad repellandam accionem, si quam forte in posterum idem capitulum, recidive questionis scrupulum amplectendo, denuo super eodem pallacio intentaret, tenoris infrascripti, quod similiter uberiorem ad cautelam futurorum, presentibus inseri et privilegialiter confirmari instancius postulavit. Cuius tenor talis est:
Sequitur privil. Stephani vicejudicis curiae regiae a. 1300. 2. Febr. emanat. T. II. p. 478. nr. 459. edit.; confirmatio hujus per Andream III. regem eodem anno concessa, edit T. II. p. 482. nr. 499. et demum horum transscriptio per convent: crucif. de Strigon. a. 1300. 16. Apr.[156] facta, ibidem p. 483. nr. 500. ex ipso orig. edit.
Cuius siquidem Stephani similiter devotis instanciis benignius inclinati, ad precludendum in posterum viam accionaliter malignandi, et recidive questionis scrupulum suscitandi, per ipsum capitulum, tenore ipsius privilegii inserto, idem privilegium et per consequens eviccionem, contra ipsum capitulum de eodem pallacio factam, similiter ratam, gratam et acceptam habentes, de eorumdem prelatorum et barronum nostrorum consilio confirmamus. In cuius confirmacionis testimonium et robur perpetuum, presentes concessimus litteras nostras privilegiales, memorato Stephano, fratri Colomani, dupplicis sigilli nostri novi et autentici munimine roboratas. Datum, per manus venerabilis(!) viri magistri Endree, prepositi ecclesie Albensis, aule nostre vicecancellarii, dilecti et fidelis nostri, anno Domini millesimo CCC-mo tricesimo, tercio Nonas Maii,[157] regni autem nostri anno similiter tricesimo. Venerabilibus patribus et dominis, vacante ecclesia Strigoniensi supradicta, fratre Ladislao archiepiscopo Colocensi, aule nostre cancellario; Ladislao Quinqueecclesiensi, Nicolao Jauriensi, Benedicto Chanadiensi, Herrico Wesprimiensi, aule domine regine karissime consortis nostre cancellario, Georgio Syrmiensi, fratre Petro Boznensi, Chanadino Agriensi, Andrea Waradiensi, Meskone Nitriensi, Andrea Transiluano, fratre Rodolpho Waciensi, ac Ladizlao Zagrabiensi, ecclesiarum episcopis, ecclesias Dei feliciter gubernantibus. Magnificis viris Johanne palatino; Paulo filio Symonis iudice curie nostre; Demetrio magistro tawarnicorum nostrorum; Thoma woyuoda Transsiluano et comite de Zonuk; Mykch bano tocius Sclauonie; Johanne filio Logreti, bano de Machow; Johanne filio Bobonyk magistro tawarnicorum domine regine, consortis nostre karissime; Deseu iudice curie eiusdem domine regine; Dyonisio dapiferorum nostrorum et Stephano agasonum nostrorum magistris; Nicolao comite Posoniensi, aliisque quam pluribus, regni nostri comitatus tenentibus et honores.
In inferiori margine a dextris adiecta est clausula confirmationis Ludovici 1. regis, in Corpore Juris Hung. contenta, cum hac conclusione:
Inter que presens privilegium paternum, omni suspicione destitutum, et omnia in eo superius contenta et expressa, pro Johanne, filio Thome filii Petri, magistro ianitorum nostrorum, suisque fratribus, eorumque heredibus et successoribus, dicti sigilli nostri novi dupplicis et autentici appensione innovamus et perpetuo confirmamus, salvis iuribus alienis. Datum, per manus eiusdem domini Nicolai archiepiscopi, cancellarii nostri, quinto Idus Aprilis, anno Domini M-o CCC-o LX-o quarto.[158]
Fragmen sigilli Caroli I. regis, e rubro et viridi; Ludovici I. autem regis e rubro contexto serico pendet. – Orig. membr., in Arch. Reg. Hung. Regnicol. M. O. D. L, 837. (Signatura vetus; N. R. Act. fasc. 707. nr. 35.) – Cf. Fejér: Cod. Dipl. VIII/3. p. 447.
[156] 1300. Febr. – Ápr.
[157] 1330. 5. Maii.
[158] 1364. 9. Ápr.
Első
