VI.
CHANADINUS DE TELEGD.
1330. 17. Sept. – 1349. Dec.
251.
1330. Avignon. 17. Sept. – Chanadinus, olim episcopus Agriensis, in archiepiscopum Strigoniensem praeficitur; quod etiam capitulo et aliis de inore scribitur.
"Johannes episcopus – – – Dudum siquidem Strigoniensi ecclesia, per obitum bone memorie Bolezlai arehiepiscopi Strigoniensis, qui in partibus illis diem clausit supremum, pastoris solatio destituta, dilecti filii capitulum eiusdem ecclesie, vocatis omnibus, qui voluerunt, debuerunt et potuerunt commode interesse, die ad eligendum prefixa, ut moris est, convenientes in unum, dilectum filium Nicolaum, prepositum ecclesie Posoniensis, Strigoniensis diocesis, in sacerdotio constitutum, per formam scrutinii, in Strigoniensem Archiepiscopum, concorditer elegisse dicuntur: idemque prepositus, huiusmodi electioni de se facte prestans assensum, ad apostolicam sedem se personaliter contulit, et tam ipse, quam prefati Capitulum, per eorum procuratores et nuntios, ad nos propter hoc specialiter destinatos nobis, cum instantia supplicarunt, ut electionem huiusmodi illius nobis presentato decreto, confirmare de benignitate apostolica dignaremur – – – deinde vero prefatus Nicolaus, ex certis causis omni iure, quod sibi ex electione predicta – – competebat – – sponte cessit – – – Nos igitur ad provisionem ipsius ecclesie Strigoniensis celerem et felicem – – – demum in te, tunc Episcopum Agriensem, consideratis grandium virtutum meritis, et donis multiplicium gratiarum, quibus personam tuam Altissimus insignivit, et quod tu, qui Agriensis ecclesie hactenus utiliter prefuisti, teque alias exercuisti laudabiliter et prudenter in officio pastorali, dictam Strigoniensem ecclesiam scies et poteris, auctore Domino, utiliter regere et feliciter gubernare, nostrum animum duximus dirigendum – – te a vinculo, quo tenebaris eidem Agriensi ecclesie – – de ipsorum fratrum consilio et apostolice potestatis plenitudine absolventes, te ad predictam Strigoniensem ecclesiam transferimus, teque illi preficimus in Episcopum et pastorem – – – Datum, Avenione, XV Kal. Octobris. Anno Quinto decimo."
Edid. Theiner: Mon. Hung. Hist. T. I. p. 527. – In e. m. capitulo Strigoniensi, Clero civit. et dioces., universis suffraganeis; et Carolo I. regi, verbis competenter mutatis.
252.
1330. Avignon. 28. Sept. – Joannes PP. XXIL, Chanadino archiepiscopo concedit, ut confessor semel, in articulo mortis, plenam sibi absolutionem dari possit.
Ed Theiner: 1. c. T. I. p. 529.
Első
