430.
1337. Visegrád. 25. Julii. – Carolus I. rex, Willermum Drugeth palatinum, villam suam Ófalu vocatam, iuxta fluvium Dunajecz, in comitatu Scepusiensi existentem, fratribus ordinis Carthusiensis de valle s. Antonii in Lechnicz, perpetuo contulisse testatur.
Ed. Wagner: Analecta Scepus. P. III. p. 177. et Fejér: Cod. Dipl. VIII/4. p. 223.

431.
1337. (Nyitra.) 3. Aug. – Capitulum Nitriense Chanadinum archiepiscopum, villam Zodo pro villa Kis-Muzsla, permutasse perhibet.
Universis Christi fidelibus, tam presentibus quam futuris, presentem paginam inspecturis, capitulum ecclesie Nitriensis, salutem in omnium Salvatore. Ordinaciones parcium testimonio litterarum solent solidari; inconcussum quippe permanet id, quod fuerit patrocinio litterarum communitum. Eapropter ad universorum noticiam harum serie volumus pervenire: quod venerabilis in Christo pater, dominus Chanadinus, Dei et apostolica gracia archiepiscopus Strigoniensis, eiusdemque loci comes perpetuus, ab una parte; item Briccius, filius Jacobi, filii Bachan de Musla, et nobilis domina mater sua relicta eiusdem Jacobi, ac Johannis filii [. . . . . . . . ] et domina Petronalla, Agata, Elisabet, et Clara, filiabus predicti Jacobi ex altera; [nostram] personaliter accedentes presenciam, proposuerunt oraculo vive vocis, quod ipse partes in possessionibus eorum infrascriptis [. . .. . . ta]lem inter se fecissent et bona voluntate ipsorum ordinassent: quod idem venerabi[lis . . . . . .] dominus Chanadinus, archiepiscopus Strigoniensis, quandam possessionem suam archiepiscopalem, Zodo vocatam, iuxta fluvium Goron [in comita]tu Barsyensi, inter [possessiones] Mykola et Bogdan vocatas existentem, cum ecclesia in honore Omnium Sanctorum in eadem constructa, terris arabilibus, fenetis, nemoribus et aliis quibuslibet suis utilitatibus et pertinenciis universis, sub antiquis suis metis, et terminorum distinccionibus, ad eandem villam pertinentibus, prenominatis Briccio, domine relicte prefati Jacobi, et Joanni generi suo, ac quatuor filiabus Jacobi supradicti, dedisset titulo concambii et permutacionis, ac donasset perpetuo possidendam, tenendam et habendam. In cuius quidem possessionis concambium, seu permutacionem, prescripti Briccius, filius dicti Jacobi, ac Johannes gener suus pro se, et quatuor filiabus eiusdem Jacobi, ac domina relicta ipsius Jacobi, quandam possessionem eorum Musla vocatam, in comitatu Strigoniensi, inter villam Musla archiepiscopalem et Ebed capituli Strigoniensis adiacentem, cum ecclesia in eadem possessione ipsorum Musla, ad laudem beati Stephani prothomartiris edificata, terris arabilibus, fenetis et aqua Danobii ad eandem pertinenti, ac aliis quibuslibet utilitatibus suis et pertinenciis universis, sub antiquis suis metis et terminorum distinccionibus, dedissent, donassent et contulissent eidem domino archiepiscopo, et per eum archiepiscopatui Strigoniensi, perpetuo possidendam, tenendam et habendam, omne ius dominii et proprietatem dictarum possessionum permutatarum in se alternatim transferendo; assumpmentesque se mutua vicissitudine, racione possessionum sibi invicem iure permutacionis traditarum, in parte vel in toto, ab omnibus inpetere acceptantibus, propriis expedire laboribus et expensis. Totam dotem et res parefarnales, eandem dominam relictam Jacobi in ipsa possessione Musla permutata contingentem, ac quartas puellares predictis