consuetudine, prohibuissent. Datum, feria tercia proxima ante festum sancti regis Stephani, anno Domini M-mo CCC-mo XXX-mo septimo.
Extus: Excellentissimo domino suo Karolo, Dei gracia regi Hungarie, pro domino Seyffrido abbate, et conventu monasterii sancti Benedicti de iuxta fluvium Goron, contra populos seu hospites de Sancto Georgio prohibicionales. – Item alia manu poster.: A cultura terre Semlyer. – Sigillum exteriori margini fuit appressum. – Orig. in schedula membr., in Arch. Capit. Strigon. Priv. Lad. 1. fasc. 6. nr. 10.

434.
1337. (Somogyvár.) 20. Aug. – Testimoniales abbatis de Simigio, super nativitate et nobilitate Nicolai, filii Joannis, canoniam in capit. Posoniense praetendendis, ad Chanadinum archieppum Strigon. datae.
Tenorem vide a. 1342. 10. Mart. sub nr. 600.

435.
1337. (Somogyvár.) 23. Aug. – Testimoniales in eadem causa, ut supra, Michaelis de Krocho, Barnabae de Gamas, Pauli de Symigio et Nicolao de Vyga sacerdotum.
Tenorem vide, ut supra sub nr. 600.

436.
1337 1. Sept. – Testimoniales Meskonis, episcopi Vesprimiensis, procreationem legitimam Nicolai, filii Joannis, nobilis de Gulia, attestantes.
Seriem vide, ut supra sub nr. 600.

437.
1338. Visegrád. 19. Jan. – Citatoriae, pro conventu s. Benedicti, contra Schelem, ad presenciam Thomae vajvodae judicis.
Nos Petrus, miseracione divina episcopus ecclesie Syrmiensis, comes capelle et secretarius cancellarius domini regis, daraus pro memoria, quod cum nos ad peticionem religiosi viri domini fratris Syffridi abbatis sancti Benedicti de iuxta Goron, procuratoris conventus eiusdem, unacum homine magnifici viri domini Thome, woiuode Transiluani, Petro litterato, ad exequendum infrascripta, Andream nostrum hominem, pro testimonio misissemus, iidem ad nos reversi nobis concorditer retulerunt; quod predictus homo dicti iudicis, presente ipso nostro homine, feria secunda proxima ante festum sanctorum Fabiani et Sebastiani martirum,[260] Schelem personaliter in Wysegrad repertum, contra prenominatos dominum abbatem et suum conventum, ad regiam presenciam citavisset eundem, diem citacionis eisdem comparendi pro termino assignando. Datum, in Wysegrad, feria secunda supradicta, anno Domini M-o CCC-mo XXX-mo octavo.
Extus: Pro domino fratre Syffrido abbate, et suo conventu de iuxta Goron, contra Schelem, ad feriam secundam ante festum sanctorum Fabiani et Sebastiani martirum, ad presenciam domini Thome woiuode Transiluani citatorie. – Sigillum margini exteriori fuit appressum. – Orig. membr., in Arch. Capit. Strigon. Priv. Lad. 17. fasc. 1. nr. 2.

[260] 1338. 19. Jan.