438.
1338. Visegrád. 22. Jan. – Judiciales Thomae vajvodae Transsylv., pro monast. s. Benedicti, contra Schelem non comparente, extradatae.
Nos Thomas woyuoda Transsiluanus et comes de Zonuk, damus pro memoria: quod in causa quam Syfridus, abbas sancti Benedicti de iuxta Goron et conventus eiusdem, iuxta continenciam litterarum domini Petri episcopi Syrimiensis et comitis capelle regie citatoriarum, contra magistrum Schelem movere habeant (expunct.: coram) feria secunda proxima, scilicet ante festum beatorum Fabiani et Sebastiani coram nobis,[261] ipso termino adveniente idem magister Schele non venit, neque misit; ipso Syfrido abbate pro se personaliter et pro conventu predicto, diebus legitimis coram nobis expectante; ideo eundem magistrum Schele in iudicio decrevimus remansisse. Data (expunct.: qua) in Wyssegrad, quarto die termini prenotati, anno Domini M-o CCC-o XXX-o octavo.
Extus: Pro Syfrido abbate sancti Benedicti de iuxta fluvio (sic!) Goron et conventu eiusdem contra magistrum Schele iudicialis. – Sigillum margini exter. fuit appressum. – Orig. membr., in Arch. Cap. Strigon. Priv. Lad. 1. fasc. 4. nr. 21.
439.
1338. Visegrád. 5. Febr. – Michael, praepositus eccl. Posoniensis, Nicolaum, filium Joannis, scholarem chori Posoniensis, in canonicum eiusdem ecclesiae, suscipit.
Seriem vide a. 1342. 10. Mart sub nr. 600.
440.
1338. Visegrád. 14. Febr. – Paulus, iudex curiae regiae, capitulum Vaciense petit, ut in possessione Alpar inquiret, utrum eam magister Pousa occupatam detinet, nec-ne?
Tenorem vide subtus nr. 441.
441.
1338. (Vác.) 22. Febr. – Capitulum Vaciense, seriem inquisitionis in Alpar peractae, Carolo I. regi rescribit.
Excellentissimo principi domino Karolo, Dei gracia illustri regi Hungarie, capitulum ecclesie Wacyensis, oracionum suffragia devotarum. Litteras magnifici viri, comitis Pauli iudicis curie vestre, recepimus in hec verba:
Amicis suis capitulo ecclesie Wacyensis, comes Paulus iudex curie domini regis, debite amicicie et honoris continuum incrementum. Religiosuss vir frater Sefridus, abbas monasterii sancti Benedicti de iuxta Goron, suo et conventus sui nomine dicit nobis: quod possessio Alpar vocata, sibi et dicto suo monasterio omni equitatis tramite attinens, per magistrum Pousa de Zeer occupata detinetur, in suum preiudicium et monasterii sui prenotati. Super quo vestram amiciciam petimus per presentes diligenter, quatenus vestrum mittatis hominem, pro testimonio fidedignum, coram quo Nicolaus, filius Laurencii, vel St(ephanus) filius Bense de Ynika, aut Georgius de Tysy, aliis absentibus homo domini nostri regis, ad faciem predicte possessionis Alpar accedendo, a quibus decuerit et licuerit diligenter inquirendo de eo: utrum eadem possessio Alpar, per prefatum
[261] 1338. 19. Jan.
Első
