eiusdem industriosis fidelitatibus cognitis, comitatum dictarum camerarum nostrarum scilicet de Smulnuch et de Cremnuch monetarum anni preteriti renovandarum, cum omnibus comitatibus, districtibus, villis, opidis et civitatibus, qui et que ab antiquo ad easdem cameras nostras dinoscuntur pertinuisse, scilicet cum comitatibus: Scepusiensi, Wywariensi, de Sarus, de Zemlyn, de Hwng, de Gumur, de Borsud et de Heweswyar vocatis, ad cameram nostram Smulnuch pertinentibus, pro noningentis (sic!) et viginti quinque marcis; item cum comitatibus scilicet Posoniensi, Nitriensi, Trinchyniensi, de Zolyo, Borsiensi, Huntensi et Neagradiensi, Camariensi et Pestiensi, ex alia parte Danobii videlicet a parte Posoniensi et Wachiensi constititis, eidem magistro Frithkoni, ad prefatam cameram nostram Cremnuch pertinentibus, pro sexingentis marcis, partim in florenis, modo priori per Lorandum, vel per alium comitem camere nostre Budensis cudendis, partim vero in maioribus monetis nostris, per eundem magistrum Frithkonem, in solitis locis ipsarum camerarum nostrarum de Smulnuch et de Cremnuch fabricandis, in terminis infrascriptis nobis persolvendis, anno Domini M-o CCC-mo XXX-mo octavo,[264] a data presencium infra anni revolucionem dedimus et locavimus, simul cum decimis archiepiscopalibus, exercendum, procurandum et tenendum eo modo: quod idem coraes dictarum camerarum, prout aliarum camerarum nostrarum comites fabricabunt, cudent et facient biformes denarios perpetuo duraturos, cum aliis denariis per alios comites camerarum fabricandis uniformiter, per totum regnum nostrum discurrentes, scilicet maiores et minores; ita quod in maiori denario tantum erit de argento, quantum, in lato Vienense bene ponderato: et octo pense ex eisdem marcam ponderabunt et current pro marca fini argenti in montanis; mynores eciam faciat pro medietate ipsius maioris monete valentes, qui obuli vocantur, et in ipso minori denario tantum erit de argento, quantum in medio Vienense bene ponderato, ex quibus sedecim pense current pro marca fini argenti et ponderabunt marcam. Iidem autem denarii nostri cambiantur et discurrant hoc modo: quod ipse comes camerarum nostrarum, vel sui officiales, in singulis foris civitatum et liberarum villarum nostrarum, regalium videlicet et reginalium, ac aliarum quarumcunque, presentibus hominibus domini archiepiscopi Strigoniensis et magistri tawarnicorum nostrorum, receptis secum in civitatibus iudice et duobus aut uno iurato, in foris autem ecclesiarum et nobilium quorumcunque, officiali domini terre, in testimonium assumptis, publice in loco fori eosdem denarios nostros, super tabula sua cambio exponere debeat, et pro tribus ponderibus antiquarum monetarum tercie conbustionis in statera ponderando, dabit ex eisdem denariis duo pondera, levando similiter in statera. Grossi autem iuste conbustionis et argentum finum, equaliter in statera ponderando, cum ipsis denariis cambiantur, videlicet pro marca argenti ponderis Budensis, una marca denariorum nostrorum dabil (sic!) cum eodem pondere. Item unam marcam auri, ponderis Budensis, duodecim caratorum, cambient cum sex marcis nostrorum denariorum, cum eodem pondere Budensi, levando in statera. Et nullus possit cambire aurum, vel argentum, cum pecunia numerata, sed debeat cambire in camera regali in statera levando; si qui autem secus fecerint, per ipsum comitem camerarum nostrarum, in eorum personis, prout infideles nostri, puniantur et condempnentur; ita tamen, quod in civitatibus et montanis, huiusmodi nostros infideles, iudex et iurati

[264] 1338.