Nos itaque iustis et condignis peticionibus eiusdem fratris Sefridi abbatis regio cum favore inclinati, dictas litteras nostras patentes, cum anuleo sigillo nostro consignatas, non abrasas, non cancellatas, nec in aliqua sui parte viciatas, sed omni veritatis tramite emanatas, de verbo ad verbum insertas, acceptamus, ratificamus et approbamus, de beneplacitaque voluntate serenissime principisse domine regine genitricis nostre karissime, ac de consilio prelatorum et baronum regni nostri prematuro, regia auctoritate easdem in perpetuum valere confirmamus. Antedictum forum in prenominata possessione ipsius monasterii sancti Benedicti, sicut antea sic et nunc, in perpetuum presentis privilegii nostri patrocinio mediante, celebrari permittendo. In cuius rei memoriam, firmitatemque perpetuam presentes eidem abbati et monasterio ipsius predicto, concessimus litteras nostras privilegiales dupplicis sigilli nostri auttentici munimine roboratas. Datum, per manus honorabilis et discreti viri magistri Tatamerii, Albensis ecclesie prepositi, aule nostre vicecancellarii dilecti et fidelis nostri, anno Domini M-o CCC-o XL-mo septimo, quinto Kalendas Augusti[666], regni autem nostri anno sexto. Venerabilibus in Christo patribus dominis Chanadino Strigoniensi, locique eiusdem comite perpetuo, Stephano Colocensi, Nicolao Jadriensi et Dominico Spalatensi archyepiscopis; Nicolao Agriensi, Andrea Transsiluano, Demetrio Waradiensi, Jacobo Zagrabiensi, Nicolao Quinqueecclesiensi, Petro Syrmiensi, Gregorio Chanadiensi, Laurencio Boznensi, Colomano Jauriensi, Mychaele Waciensi ecclesiarum episcopis; Johanne Wesprimiensi et Nicolao Nitriensi electis confirmatis, ecclesias Dei feliciter gubernantibus. Magnificis viris Nicolao palatino et iudice Comanorum; Stephano woyuoda Transsiluano, comite de Zonuk; Olyuerio magistro tauarnicorum nostrorum; comite Paulo iudice curie nostre; Paulo magistro tauarnicorum reginalium; Dominico de Machow; Nicolao de Zeech, tocius Sclauonie et Croacie banis; Nicolao pincernarum, Iwanka dapiferorum et Dyonisio agasonum nostrorum magistris, ac magistro Nicolao, dicto Treutul, comite Posoniensi, aliisque quam pluribus comitatus regni nostri tenentibus et honores.
Extus manus coeva adn.: Privilegium datum est, super collacione fori in possessione ecclesie sancti Benedicti de iuxta Goron, Petend voeata, cum littera anulari. – Sigillum pend. deperditum. – Orig. membr., in Arch. Cap. Strigon. Priv. Lad. 40. fasc. 3. nr. 2.

845.
1347. Hidvég. 22. Aug. – Magistratus comitatus Hontensis, populos de Patak, possessionem Kalade vocatam, ad Andream Kese et Nicolaum Cosmae pertinentem, vi occupasse, perhibet.
Nos magister Paulus, vicecomes Huntensis, ac quatuor iudices nobilium eiusdem comitatus damus pro memoria, quod nos ad instanciam peticionis Andree filio Cese (sic!), et Nicolao filio Cosma, nobiles de Kaladey, homines nostros duos ex iudicibus nobilium pro testimonio fidedignum transmisissemus ad videndam infrascripta; qui demum ad nos reversi, nobis concorditer retulerunt: quod ipsi feria quinta proxima post festum Assumpcionis beate Virginis Marie[667], accedendo ad faciem possessionis Kalade vocata, et ibi a vicinis et commetaneis suis, ac aliis hominibus diligenter investigando, talem scivissent veritatem, quod hospites seu populi de villa Patack potencialiter venissent ad possessiones Andree filio Cese et Nicolaus fili (sic!) Cosma de

[666] 1347. 28. Jul.

[667] 1347. 16. Aug.