Kalade, et ibi sex metas terreas et arboris destruxissent et anichilassent in preiudicium eorumdem non modicum et gravamen. Datum in Hyduegh, feria quarta proxima post festum sancti regis Stephani confessoris, anno Domini M-o CCC-o XL-mo septimo.
Extus: Pro Andrea filio Cese et Nicolao filio Cosma de Calade, contra populos de Patak inquisitoria. – Sigillum margini exteriori fuit appressum. – Orig. chart., in Arch. Primatiali Secul. Lad. F. nr. 16.

846.
1347. (Pozsony.) 19. Oct. – Magister Johannes Orros, vicecomes Posoniensis, super interfectione Joannis de Karcsa, per capitulum Posoniense inquiri petit.
Discretis viris et honestis, capitulo ecclesie Posoniensis, dominis et amicis suis plurimum reverendis, magister Johannes dictus Orrus, vicecomes de eodem, paratam amiciciam sincero cum honore. Dicit nobis Polda, filius Petri de Itipolda (sic), quod feria sexta proxima post festum beati Michaelis archangeli nunc preteritum[668], Petrus filius Nicolai, filii Morkolfi de Karcha, animo deliberato, Johannem fratrem suum, suis culpis non exigentibus, per iuramen Bartholomei, filii Elye, interfecisset. Super quo vestre discrecionis amiciciam presentibus requirimus diligenter, quatenus vestrum mittatis hominem, pro testimonio fidedignum, quo presente Dominicus de Karcha, unus iudicum quatuor et Michael de Suchak, homo noster, sciant et inquirant ab omnibus, quibus decet et licet, omnimodam de premissis veritatem; et post hec, prout ipsis veritas constiterit premissorum, amicabiliter nobis vestri gracia rescribatis. Datum, secundo die festi beati Luche ewangeliste, anno Domini M-o CCC-mo XL-mo septimo.
Sigillum exteriori margini fuit appressum. – Orig. chart., in Arch. Cap. Poson. Publ. Capsa 8. fasc. 1. nr. 4.

847.
1347. – 21 Oct. – Testamentaria dispositio Lypoldi, comitis de Körmöcz, super 32 florenos, monasterio s. Benedicti de iuxta Gron, annuatim exsolvendos.
Nos magister Lypoldus, comes de Chremnich et castellanus de Arwa, memorie commendantes tenore presencium significamus universis, quod nos ex proventibus nostre gaze, vulgariter Choch nominate, in Kunygsperg existentis, in parte seu possessione fratrum monasterii sancti Benedicti de iuxta Gron confecta, pro salute anime nostre testamentum facientes, pro eo, quia ipsi assumpserunt nos in oraciones confraternitatis ipsorum meminire (sic!), dedimus et commisimus ipsis singulis annis, quousque nobis vita comes extiterit, triginta duos florenos in duobus terminis infrascriptis persolvendis, videlicet in octavis festi sancti Georgii martiris sedecim florenos[669], reliquos vero sedecim florenos in octavis festi beati Michaelis archangeli continuis persolvendis[670]. Post obitum vero, sew discessum nostrum, quicunque dictam possessionem nostram, wlgariter Choch nominatam, ex proximis nostris obtinuerit, volumus ut dictos triginta duos florenos, predictis fratribus ordinis sancti Benedicti, similiter dare et expedire teneantur, quousque dicta possessio fructus et labores potuerit habere simul cum montanis. Super cuius facti memoriam

[668] 1347. 5. Oct.

[669] 1. Maii

[670] 6. Oct.