memoriam litteras nostras concessimus, sigilli nostri munimine roboratas. Datum, die dominica proxima post festum beati Luce ewangeliste, anno Domini M-o CCC-o XL-mo septimo.
Extus manus med. aevi adnot.: Super gaza in Kwnigisperg. – Sigillum, bene conservatum, in tergo cerae rubrae impressum. – Orig. membr., in Arch. Capit. Strigon. Privat. Lad. 40. fasc. 3. nr. 7.
848.
1347, Buda. 24. Oct. – Ludovicus I. rex, Stephanum, specialem suum notarium, molendinum quoddam in Bükksevnyicze, monasterio s. Benedicti remisisse, perhibet.
Nos Lodouicus, Dei gracia rex Hungarie, memorie commendantes significamus tenore presencium, quibus expedit universis, quod magister Stephanus, specialis notarius noster anularis, dilectus et fidelis noster, coram nobis personaliter constitutus, proposuit et confessus extitit ministerio vive vocis: quod ipse unum locum molendini in rivulo seu fluvio, Bykseunice nominato, scilicet sextum locum a fluvio Garon ab inferiori parte supra numerando, prope novam montanam Kungesberch vocatam, intra metas possessionis monasterii sancti Benedicti de iuxta Gron habitum, quem pro fidelibus serviciis suis eidem monasterio impensis, religiosi viri frater Syfridus dicti monasterii abbas, dilectus et fidelis capellanus noster, ac suus conventus, pro construendo molendino eidem liberaliter, mediantibus eorum litteris patentibus, dudum dederant et donaverant perpetuo possidendum, eidem abbati et suo conventui empcionis iusto el legali titulo, pro una marca auri, integraliter et plene ab eisdem habita et recepta, restituisset ac resignasset, ymo restituit et resignavit coram nobis, pleno et legali iure, perpetuo et pacifice possidendum, pariter et habendum. Datum Bude, quarta feria post festum undecim milium virginum, anno Domini M-o CCC-o XL-mo septimo.
Sigillum marg. fuit impressum. – Orig. membr., in Arch. Capit. Strigon. Priv. Lad. 40. fasc. 3. nr. 9.
849.
1347. Esztergom. 29. Oct. – Chanadinus, archiepiscopus Strigoniensis, causam Nicolai filii Mathiae, nobilis de Elefant, contra Paulum dictum Kerek, hospitem Strigoniensem motam, ad octavas festi Epiphaniarum a. 1348. prorogat.
Edid.: Codex Andegav. T. V. p. 149.
850.
1347. Buda. 19. Nov. – Paulus, iudex curiae regiae, possessiones Harmach, Asszó et Velezd, Ladislao e genere Hunt-Páznán, praeposito Strigoniensi, adjudicat.
Ed. Kubinyi F.: Mon. Hung. Hist. Diplomatarium Hontense P. I. p. 160 et sqq. nr. 107.
851.
1347. Buda. 25. Nov. – Ludovicus I. rex, capitulo Vesprimiensi, privilegium super modo decimationis capitulo Strigoniensi in paribus extradari, mandat. Tenorem vide sub nr. 853.
Első
