tercia proxima post festum beati Nicolai confessoris supradictum, anno Domini M-mo CCC-o XL-mo septimo.
Extus: Domino regi pro honorabili capitulo ecclesie Posoniensis, contra magistrum Laurencium, dictum Tot, comitem Castriferrei et Suproniensis, nec non castellanum de Sumtew, ac alios intrapositos, ad ipsum pertinentes, super intrapositis inquisitorie. Sigillum ext. margini fuit appressum. – Orig. chart., humore maculatum, in Arch. Cap. Poson. Priv. Capsa E. fasc. 11. nr. 332.
856.
1347. (Pannonhalma). 13. Dec. – Conventus de sacro Monte Pannoniae, seriem inquisitionis in villa Kurth, contra Nicolaum Treutul, pro capitulo Posoniensi peractae, Ludovico I. regi rescribit.
Excellentissimo principi domino Lodouico, illustri regi Hungarie, domino suo, conventus monasterii sancti Martini de sacro monte Pannonie, oraciones in Domino. Litteris vestre excellencie pro honorabili capitulo Posoniensis ecclesie generalibus, inter cetera formam inquisicionibus (sic!) exprimentibus, reverenter receptis, cum Dama de Welk, homine vestre serenitatis, virum religiosum fratrem Arnoldum de nostro conventu fidedignum, ad faciendam inquisicionem infrascriptam, pro testimonio duximus transmittendum, qui quidem Dama de Welk, homo vestre serenitatis, demum ad nos rediens, presente eodem testimonio nostro nobis retulit isto modo: quod sicut a nobilibus et aliis communibus hominibus de Cholloukuz districtu hominibus (sic), et specialiter a commetaneis et vicinis ville Kyurth, in iam dicto districtu habite, quibus licuit, eciam ecciesiasticis, palam et occulte diligenter inquirendo scire potuissent, hanc de subsequentibus indagassent veritatem, quod magister Nicolaus dictus Treull, comes Posoniensis, feria tercia proxima ante festum Penthecostes[678], cuius nunc quarta revolutio adveniret annualis, unam curiam in pretacta villa Kyurth ipsius capituli habitam, potencialiter suis usibus applicasset, aliam vero curiam modo simili in ipsa Kyurth existentem, fundatam videlicet in aqua, cum universis edificiis super eam habitis memorati capituli, contra Deum et eius iusticiam funditus evelli precepisset. Cuius quidem curie funditus ewlse seu eicte (sic) modo premisso, retulerunt fide vidisse oculata; quas tamen curias, tocius predicti districtus homines faterentur prefati capituli a tempore regis Ladislai et fuisse et per ipsum capitulum pacifice possessas. Item duas pisscinas ipsius capituli in eadem Kyurth habitas, dictus magister Nicolaus, similiter auctoritate propria suis usibus applicasset, quas ipsi capitulo adscitum sepedicti districtus restituerant et ad spacium unius anni usus et utilitates earumdem percepisset capitulum annotatum. Datum, feria quinta in die beate Lucie virginis, anno Domini M-o CCC-o XL-mo septimo.
Extus: Excellentissimo principi, domino Lodouico, illustri regi Hungarie, domino suo, pro honorabili capitulo Posoniensis ecclesie, contra magistrum Nicolaum Treutl comitem Posoniensem, interius contentis inquisitoria. – Sigillum marg. ext. fuit appr. – Orig. chart., in Arch. Capit. Coll. Poson. Privat. Capsa E. fasc. 3. nr. 82 B.
[678] 1344. 18. Maii.
Első
