Sigillum e roseo ac albo serico pendebat. – Orig. membr., in Arch. Capit. Coll. Poson. Publ. Capsa 14. fasc. 17. nr. 27.

858.
1347. -- -- Civitas Tyrnaviensis a capitulo Strigoniensi annuis octuaginta marcis decimas redimit.
In nomine Domini amen. Nos Dietbmus (sic!) pro tempore tunc iudex in Tyrena, iurati et cives universi de eadem, tenore presencium significamus, quibus expedit universis, quod cum in facto decimarum nostrarum inter decimatores honorabilis capituli Strigoniensis ecclesie et nos discordia pluries fuisset mota et exorta, nos itaque salubri consideracione inducti, propter bonum pacis et concordie, communi consilio et unanimi voluntate, matura deliberacione prehabita, super facto solucionis decime nostre, cum eodem honorabili capitulo huiusmodi concordiam et composicionem, super facto dicte decime duximus inhyendum (sic!): quod nos a modo in perpetuum singulis annis in octavis beati Andree apostoli[679], pro decimis nostre civitatis ac villarum, ad nos pertinencium, vitelicet Grenscher, Magerad et Perna vocatarum, scilicet fruguum, apum, angnellorum, anserum et pullorum, assumpsimus et assumpmimus ipsi capitulo solvere octuaginta marcas Budensis racionis, una eciam cum quartis, ex predictis villis supervenientibus, sive provenientibus. Tali condicione adiuncta, quod procurator eiusdem capituli cum litteris eorumdem, fidem ad hoc facientibus, ante ipsas octavas, uno die prius ad nos accedere debeat, cui unum prandium vel cenam cum suis famulis et equis facere tenebimur et ipsas octuaginta marcas in crastino, videlicet in octavis eiusdem beati Andree apostoli, plenarie persolvere. Si autem ultra ipsas octavas, quodquot dies usque ad quindenas beati Andree apostoli solvere differremus, tunc in expensis nostris et hospitalitatibus ipsam solucionem procuratores dicti capituli tenebuntur exspectare. Si autem in ipsis quindenis solvere aliquo modo eandem pecuniam negligeremus, tunc elapsis ipsis quindenis usque ad octo dies ipsas octuaginta marcas, cum pena decem marcarum, ipsi capitulo solvere nos obligabimus; si vero temere, vel aliquo modo predictas octuagintas marcas, cum iudiciis decem marcarum solvere non curaremus; tunc ad penam interdicti nos testimonio presencium obligamus; ita videlicet quod nec in ecclesia nostra parrochiali, nec apud fratres aliquos divina audire presumpmamus, donec de eadem pecunia eidem capitulo ad plenum satisfaciemus. Et si in eodem interdicto animo indurato perseveraremus, tunc ipsum capitulum sentenciam excommunicacionis contra nos, mediantibus litteris archyepiscopalibus, proferendi habeant facultatem, ad quod nos sponte obligamus. Hoc nichilominus declarato, qud si fruges nostre per supervenientem exercitum alicuius potentis destrui et devastari contingeret, ad hoc videndum ipsum capitulum duos viros ydoneos transmittant, qui unacum iudice et quinque iuratis nostris, secundum eorum conscienciam limitabunt quantitatem ipsius dampni et prout ipsi compensando ipsum dampnum de ipsa pecunia solvenda decucient, ipsum capitulum dampnum sustinebit, de residua vero parte ipsius pecunie in termino predicto, cum condicionibus allegatis, dicto capitulo satisfacere nos obligamus sub penis supradictis. Ut et (sic!) ista composicio, seu ordinacio robur habeat in perpetuum, presentes litteras, nostri pendenti

[679] 7. Dec.