eorum iudicium et iusticiam assumpturi. Datum, Bude, duodecimo die termini prenotati, anno Domini M-o CCC-o XL-mo octavo.
Extus: Pro capitulo ecclesie Posoniensis, contra magistrum Sebes et alios interius nominatos, ad quindenas diei Cynerum prorogatoria. – Sigillum margini exteriori fuit appressum. – Orig. chart., in Arch. Capit. Poson. Priv. Capsa E. fasc. 15. nr. 330.

861.
1348. (Ujbánya.) 28. Jan. – Magistratus civitatis Konigsberg obligat se, monasterio sancti Benedicti de iuxta Gron, pro quolibet molendino, annuatim censum unius floreni auri exsolvi.
In nomine Domini amen. Noverint universi presencium noticiam habituri, quod nos Ladizlaus dictus Lengel iudex, iurati et tota communitas civium et hospitum de Kvnigesperg, matura inter nos deliberacione prehabita, coram nobili viro Andrea, vicemagistro tawarnicorum excellentissimi principis domini Lodowict, Dei gracia regis Hungarie, quem serenissima domina nostra Elizabeth regina, cum sufficienti mandato, ad hoc specialiter nobis direxit, assurainus spontanea voluntate et promittimus bona fide, viris religiosis domino Syffrido, divina providencia abbati monasterii sancti Benedicti de iuxta Goron et suo conventui, de omnibus molendinis et gasis, per nostros concives in possessione ipsius monasterii constructis et in posterum construendis, videlicet super rivulum superiorem, qui rivulus Fenovsceniche vocatur et super rivulum inferiorem Byksceniche, qui Maior Rivulus vel Rivulus Abbatis nuncupatur, item super aquam Goron intra metas monasterii prenotati, de singulis rotis singulos aureos, quos florenos vocant, legitimi ponderis camere Budensis, pro censu anni presentis et futuris subsequentibus annis, in octavis diei Cinerum, sine crastinacione, in ipsorum monasterio annis singulis persolvendos; penam dupli si ipsam solucionem negligeremus incursuri. Quam principalem solucionem, cum pena dupli, predictus Ladizlaus, dictus Lengel iudex, seu quincunque qui pro tempore fuerit, a concivibus nostris molendina vel gasas in possessione monasterii supradicti, cum licencia et ex permissione abbatis et sui conventus habentibus, seu eciam in posterum habituris, tenebitur exigere et sepedictis domino abbati et suo conventui, in memorato eorum monasterio, sine diminucione assignare. Insuper assumpsimus et assumimus bona voluntate et volumus, quod nullus nostrorum concivium, sive ad nostram civitatem pertinencium, debeat vel audeat deinceps intra metas monasterii molendina aut gasas, sive hereditatem aliquam habere, seu qualecunque edificium de novo construere, absque abbatis et conventus monasterii sepius recitati permissione et licencia speciali; sicnt ad omnia et singula premissorum nos Ladizlaus iudex, iurati et communitas civium, coram prenominato Andrea vicemagistro tawarnicorum, obligavimus et obligamus nos spontanee in hys scriptis. In signum autem omnium superius expressorum et efficaciam ampliorem, presentes sigillo autentico nostre civitatis duximus roborandas. Datum, feria tercia proxima ante festum Purificacionis Virginis gloriose, anno Domini M-o CCC-o XL-mo octavo.
Sigillum, bene conservatum, e flavo et viridi serico contexto dependet. – Orig. membr., in Arch. Capit. Strigon. Priv. Lad. 40. fasc. 3. nr. 14.