862.
1348. Buda. 25. Febr. – Ludovicus T. rex, per capitulum Posoniense plures citari iubet.
Lodouicus, Dei gracia rex Hungarie, fidelibus suis, discretis viris, capitulo ecclesie Posoniensis, salutem et graciam. Fidelitati vestre precipiendo [mandamus, quatenus vestrum] mittatis hominem, pro testimonio fide dignum, coram quo Ladislaus, filius . . . . vel Petrus filius . . . . de eadem, altero absente homo noster, citet Nicolaum . . . . . Watay et Johannem filium eiusdem Nicolai, ac Nicolaum dictum Be . . . . . , Johannem, Blasium et Andych, filios Petri; item Gyurke, Nicolaum filium Oliuerii . . . . . dictum de Baranya, in presenciam regni nostri palatini, ad terminum competentem. Et post hec diem [et locum] ipsius citacionis, nomina citatorum et terminum assignatum, eidem palatino fideliter rescribatis. Datum Bude, in festo beati Mathye apostoli, anno Domini M-o CCC-o XL-mo octavo.
Sigillum anulare cerae rubrae exteriori margini est impressum. – Orig. chart., in Arch. Cap. Posonien. Publ. Capsa 28. fasc. 1. nr. 13.

863.
1348. Buda. 28. Febr. – Nicolaus palatinus, per capitulum Posonicnse, Stephanum et Michaelem de Karcsa, ad suam praesentiam citari petit.
Amicis suis reverendis capitulo ecclesie Posoniensis, Nicolaus, regni Hungarie palatinus et iudex Comanorum, amiciciam paratam. Vestram amiciciam requirimus diligenter per presentes, quatenus mittatis hominem vestrum pro testimonio fidedignum, coram quo Petrus filius Pauli de Ethemhkarchaya, vel Nicolaus filius Benedicti de eadem, aut Andreas filius Dyonisii de Kundurus, aliis absentibus homo noster,. citet Johannem filium Stephani et Michaelem filium (expunct.: Bede) Belye de Karcha, contra Ladislaum filium Leustachii, ad nostram presenciam, ad terminum competentem; et post hec diem et locum ipsius citacionis, nomina citatorum cum termino assignato nobis amicabiliter rescribatis. Datum Bude, quinta feria proxima post festum beati Mathye apostoli, anno Domini M-mo CCC-mo XL-mo octavo.
Extus: Amicis suis reverendis capitulo ecclesie Posoniensis pro Ladislao filio Leustachii citatoria. – Sigillum marg. ext. fuit appressum. – Orig. chart, in Arch. Capit. Coll. Poson. Privat. Capsa. R. fasc. 2. nr. 48.

864.
1348. (Pozsony.) 13. Mart. – Capitulum Posoniense Annam, e bonis primi mariti sui Michaelis de Borsa, partem Simoni et filiis eius cessisse testatur.
Capitulum ecclesie Posoniensis, significamus tenore presencium, quibus expedit universis, quod domina Anna, nunc Jacobi, filii Mark, prius vero Michaelis, filii Pauli de Bor[sa uxor] ab una parte, item Symon, filius Wduorus pro se, et duobus filiis suis, scilicet Sebastiano et . . . . . , item Laurencius, filius eiusdem, ab altera, in nostri presencia personaliter constituti; prefatus Symon et filius suus Laurencius eidem domine Anne, nunc consorti Jacobi, filii Mark, omnes possessiones, seu possessionarias porciones, derelictas per Michaelem

---