priorem maritum suum, tenendi, possidendi, seu qualiterqunque voluerit disponendi, plenam et omnimodam dederunt de eisdem potestatem; e converso autem ipsa domina Anna de terris, ut dictum est, per priorem maritum suum derelictis, ipsi Symoni et filii sui (sic) decem iugera terrarum in una latitudine de terra, que est inter terram Ikran et Chate, item undecim iugera de terris, quas in possessione Borsa habere dinosscebatur, bona et mediocra et quintam partem sessionis ipsius Mychaelis, quondam mariti sui, a parte superiori usque ad fluvium et ultra fluvium, medietatem prati, similiter quondam mariti sui pertinentis, preter terram mollificatam in eodem prato, perpetuo tenendum et habendum dedit et donavit, ita quod ipsa domina de cetero in dictis agris cum quinta parte sessionis et prato prenumeratis, nullum ius sibi vendicare racione dotaliciorum ullo unquam tempore poterit et valebit. Datum, feria quinta post festum beati Gregorii pape, anno Domini M-o CCC-o XL-mo octavo.
E transsumpto lacero capituli Poson. a. 1373., in Arch. Cap. Poson. Publ. Capsa 14. fasc. 2. nr. 21.

865.
1348. Buda. 14. Mart. – Ludovicus I. rex, hospitibus de Königsberg, iura de montanis in terris monast. s Benedicti inVeniendis, abbati eiusdem ecclesiae extradare precipit.
Lodouicus, Dei gracia rex Hungarie, fidelibus suis iudici, iuratis, civibus et universis hospitibus de Kunnuspergh, ac aliis hominibus montanas in terra ecclesie sancti Benedicti de iuxta Gron querentibus, salutem et graciam. Fidelitati vestre firmiter precipimus et districte, quatenus de illis montanis, quas in terra ipsius ecclesie inveneritis, iura eiusdem ecclesie domino Sefrido abbati eiusdem ecclesie, tamdia donec nos de Italia ad propria redibimus, plenarie extradare et aministrare debeatis, et cum ad propria redibimus faciemus de ipsis montanis in terra ipsius ecclesie inveniendis, sicut conveniens fuerit et oportunum. Datum Bude, feria sexta proxima ante dominicam Reminiscere, anno Domini M-mo CCC-mo XL-mo octavo.
Sigillum anulare in marg. ext. cerae rubrae erat imp., super quo leg.: Relacio domine regine. – Orig. membr., in Arch. Capit. Strigon. Priv. Lad. 40. fasc. 3. nr. 15.

866.
1348. Avignon. 19. Mart. – Clemens PP. VI., Chanadino archiepiscopo, causam liberationis virorum regalium domus Siciliae, commendat.
Ed. Theiner: Mon. Hist. Hung. Eccl. T. I. p. 755.

867.
1343. Buda. 21. Mart. – Paulus, iudex curiae regiae, committit conventui s. Benedicti de iuxta Gron, ut possessionem Ujfalu, seu Toty, a Cruciferis Strigoniensibus et in Calidis Aquis recipiat et Nicolao de Györöd statuat.
Ed. Codex Andegav. T. V. p. 169.