868.
1348. Ameraci (?) 16. Apr. – Clemens PP. VI., ad preces Ludovici I. regis, episcopum Quinqueecclesiensem, abbates de iuxta Gron et de Visegrad, arbitros constituit de eo: utrum praepositura Scepusiensis in episcopatum evehi possit, nec-ne.
Ed. Péterffy Car.: Conc. Hung. P. I. p. 193 – 195. Wagner: Analecta Scepus. P. I. p. 320 – 321.

869.
1348. (Pozsony.) 24. Apr. – Capitulum Posoniense, super ordinatione excipiendorum testamentorum et absolvenda missa Beatae Virginis literas edit.
Universis Christi fidelibus, presentes litteras inspecturis, nos Petrus custos, vicarius et amministrator reverendi patris Gwilhermi de Pustella, patriarche Constantinopolitani, in prepositura ecclesie sancti Salvatoris, alias sancti Martini in Posonio collegiata, Strigoniensis dyocesis, Johannes Longus, magister Tyboldus, Thomas Ruffus, magister Iwanka, magistri Paulus et Michael et magister Stephanus canonici, ac capitulum ecclesie Posoniensis predicte, salutem et sinceram in Domino caritatem. Ne diuturnitate temporum ea, que inter contrahentes aguntur, oblivionis defectui subiacerent, discrecio hominum vota contrahencium. scripturis adinvenit commendari. Ad universorum igitur noticiam harum serie litterarum volumus pervenire, quod inter nos ab una parte et discretos viros, comitem Jacobum iudicem, iuratos et cives Posonienses universos, parte ab altera, extitit ordinatum: quod per quemcumque, aut quoscumque ultime voluntates, seu testamenta fuerint facta, vel legata, due persone, unus canonicus et unus a iudice et iuratis civibus, ad hoc deputati, una cum plebano, seu eius vicario, debeant interesse, ut sciatur quid ecclesie, quid canonicis et quid plebano detur vel legetur, a quibus eciam super huiusmodi testamentis, debita racio fiet requirenda, de quibus videlicet testamentis, decima pars cedere debebit ecclesie nostre predicte custodi; extitit eciam ordinatum, quod missa beate Virginis Marie, secundum ordinacionem felicis recordacionis domini Lodomerii, olim archiepiscopi Strigoniensis, cum agris iuxta villam in Samoth situatis, per eundem dominum Lodomerium ad ipsam missam legatis devote et concessis, nec non cum decima parte tributi nostri in Posonio et in Chelle, per felicis recordacionis dominum Thomam Strigoniensem archiepiscopum data et concessa, per custodem ecclesie predicte, seu eius vicarium cottidie solempniter celebretur. In cuius rei testimonium presentes litteras, sigillorum nostrorum munimine duximus roborandas. Datum Posonii, anno Domini M-o CCC-o XL-mo octavo, die sancti Georgii martiris.
E transsumpto Dionysii de Széch archiepiscopi Strigoniensis a. 1445., in Arch. Cap. Poson, Priv. Capsa H. fasc. 1. nr. 9.

870.
1348. (Pozsony.) 24. Apr. – Capitulum Posoniense, quoad electionem parochi ecclesiae s. Martini, cura magistratu civico concordat.
Universis Christi fidelibus, presentes litteras inspecturis, nos Petrus custos, vicarius et aministralor reverendi patris, domini Gwillermi de Pustella, patriarche

---