Constantinopolitani, in prepositura ecclesie sancti Salvatoris, alias sancti Martini in Posonio collegiata, Strigoniensis dyocesis, Johannes Longus, magister Tyboldus, Thomas Ruffus, magister Iwanka, magistri Paulus et Mychahel, et magister Stephanus canonici, ac capitulum ecclesie Posoniensis predicte, salutem et sinceram in Domino karitatem. Ne diuturnitate temporum ea, que inter contrahentes aguntur, oblivionis defectui subiacerent, discrecio hominum vota contrahencium scripturis adinvenit commendari. Ad universorum igitur noticiam, [ha]rum serie litterarum volumus pervenire, quod quum pridem inter nos ab una parte, et discretos viros comitem Jacobum iudicem, iuratos et cives Posonienses universos parte ex altera, super eleccione seu prefeccione plebani, curam animarum [gerentis in] ecclesia sancti Salvatoris, alias sancti Martini in Posonio predicta, ac super eleccione in personam Martini, filii Nicolai, concanonici nostri, nuper per dictos iudicem, cives et iuratos, ad eandem ecclesiam facta, materia questionis non modica vertebatur, ac diucius [fuerit] ventilata. [Nos att]endentes dampna et scandala, ac iacturas que ex huiusmodi controversia nobis et ecclesie predicte possent exoriri, consideratoque sincero affectu comitis Jacobi iudicis, iuratorum, ceterorumque civium civitatis predicte, quo ad nostrum et ipsius ecclesie structuram [aspiravere profectum], diligenti deliberacione prehabita, ex unanimi consilio, propter bonum pacis et amoris concordiam, eleccionem in persona dicti Martini, confratris nostri, per predictos comitem Jacobum* iudicem, iuratos, et cives factam, ac confirmacionem domini Martini, prepositi Dymisiensis, tunc vicarii in prepositura eiusdem ecclesie, exinde secutam, approbamus, ratificamus et presentis scripti patrocinio confirmamus. Sane, super eleccione, seu prefeccione plebani eiusdem ecclesie, de cetero facienda, pari voluntate et consensu eisdem comiti Jacobo iudici, iuratis ac civibus annuimus, dedimus, et concessimus, nostrumque adhibuimus consensum: quod iudex, iurati et ciyes Posonienses, qui pro tempore fuerint, vacante eadem plebania in eadem ecclesia, tamquam patroni, eligant et eligere debeant in perpetuum sacerdotem, seu plebanum [unum discretum et idon]eum ex canonicis nostri collegii et extra non, ad eorum curam animarum; ac eundem electum domino preposito, qui pro tempore fuerit, ad confirmandum presentare; qui electus et confirmatus, ipsum dominum prepositum recognoscere debebit, tamquam suum [ordinarium et prelatum, ipsiusque] mandatis et iurisdiccioni, in spiritualibus et temporalibus obedire; nec ei in alrquo contraire publice vel occulte, suosque concanonicos in licitis et honestis venerari, atque in divinis officiis et curis animarum sollicitus sit, et esse teneatur. [Si vero negligens et insufficiens], aut in aliquibus excedere inveniretur, que canonicis sanccionibus obviarent, ipse dominus prepositus, de consilio nostro et consensu iudicis, iuratorum et civium civitatis, ac parochianorum ecclesie predicte, eundem plebanum sine strepitu et absque fi[gura iudicii, privandi et deponendi] plenam et liberam habebit facultatem. Ceterum, idem plebanus, singulis annis perpetuo, de proventibus et oblacionibus, obvencionibus et reditibus universis, maioribus, et minoribus nobis capitulo solvere tenebitur et dare [quinquaginta pensas denariorum] Wiennensium antiquorum, partem in octavis Penthecostes, et partem in octavis Omnium Sanctorum; hac pena interposita, quod si aliquem terminum obmiserit, donec satisfecerit, carere debebit commodo oblacionum, que usque ad plenam satisfaccionem, [ad manus capituli] simpliciter devolventur. Nichilominus, in festo sancti

---