[repugnacione de]beant permanere. In cuius rei testimonium presentes litteras, sigillorum nostrorum munimine duximus roborandas. Datum, Posonii, anno Domini Millesimo trecentesimo quadragesimo octavo, die sancti Georgii martyris.
Duo sigilla e zonis membr. pendebant. – Orig. membr., valde lacerum, in Arch. Cap. Poson. Priv. Capsa R. fasc. 2. nr. 77. – Lacunas supplevimus e simplici copia fere coeva, ibidem Capsa H. fasc. 1. nr. 2. asservata.
871.
1348. Avignon. 25. Maii. – Joanni Olaszi, canonico Budensi, confertur canonicatus et praebenda in ecclesia Strigoniensi.
Ed. Bossányi: Regest. Suppl. T. I. p. 183.
872.
1348. (Zoborhegy.) 22. Jun. – Conventus de Zobor, civem Sente a cultura possessionis monasterii s. Benedicti, Szölény vocatae, prohibuisse Ludovico I. regi, rescribit.
Ed. Cod. Andegav. T. V. p. 206.
873.
1348. Buda. 26. Jun. – Nicolaus palatinus, causam capituli Posoniensis, contra comitem Sebes de Bazin motam, ad novum terminum prorogat.
[Nos Nicol]aus, regni Hungarie palatinus et iudex Comanorum, damus pro memoria, quod causam [quam . . . . . ] Sebus, filius Abrahe de Bozyn, pro quo Ladislaus de Nyek, cum procuratoriis [litteris . . . . . com]itis capelle regie astitit, contra capitulum ecclesie Posoniensis, pro quo Stephanus [canonicus pre]dicte ecclesie, cum procuratoriis litteris eiusdem capituli comparuit, item causam quam . . . . . contra conventum cruciferorum ecclesie sancti regis Stephani de Strigonio, ac Mathyam clericum eidem conventum statuere commissum, pro quo quidem conventu frater Paulus, cum procuratoriis litteris eiusdem conventus astabat, iuxta continenciam priorum litterarum nostrarum, in octavis festi Penthecostes movere habebant coram nobis[682], volentibus parcium procuratoribus, ad octavas festi sancti Mychaelis nunc venturas[683], statu et ordine priori omnino permanente, duximus prorogandam; eo modo, ut si ipse partes poterunt, de nostra iudiciaria licencia liberam habeant concordandi facultatem, dummodo nos iuxta qualitatem cause ipsorum prenotate velint complacare; si autem concordare nequirent, extunc tam ipsi magister Sebus et capitulum Posoniense, quam dictus conventus ad statuendum memoratum Mathyam clericum eorum, iuxta dictarum priorum litterarum nostrarum continenciam, coram nobis compareant, in predicta causa eorum iudicium et iusticiam assumpturi. Datum Bude, duodecimo die termini prenotati, anno Domini M-o CCC-mo XL-mo octavo.
Extus: Pro capitulo ecclesie Posonyensis, contra magistrum Sebus et alios interius nominatos ad octavas festi sancti Mychaelis arehangeli prorogatoria. – Sigillum margini fuit appressum. – Orig. chart., in Arch. Capit. Poson. Publ. Capsa 28. fasc. 1. nr. 14.
[682] 1348. 15. Jun.
[683] 1348. 6. Oct.
Első
