895.
1349. Avignon. 22. Mart. – Guillelmus Cardinalis petit Nicolao, filio Joannis de Lőcse, canonicatum in ecclesia Scepusiensi conferre.
Ed. Bossányi: Regest. Suppl. T. I. p. 197.

896.
1349. Avignon. 22. Mart. – Nicolaus electus Nitriensis et postulatus Zagrabiensis eppus, petit praeposituram s. Thomae in Prom. Strig., Thomae Bekő conferri.
Ed. Bossányi 1. c. p. 198.

897.
1349. – 22. Mart. – Elisabeth, regina Hung., petit ecclesiae beatae Annae, quam fratribus ordin. eremit. s. August. in Strigonio construxit, indulgentias elargiri.
Ed. Bossányi: 1. c. 203. – Cf. et Theiner: Mon. Hist. Hung. Eccl. T. I. p. 771.

898.
1349. – 22. Mart. – Georgius Bebek, comes de Hevesujvar, petit Stephano Alexii, clerico Strigon., canonicatum in eadem ecclesia conferri.
Ed. Bossányi 1. c. p. 203.

899.
1349. – 22. Mart. – Georgius Bebek, comes de Hevesujvár, petit ecclesiae in Pelsőcz, Strigon. dioec., in festo s. Gregorii, indulgentias elargiri.
Ed. Bossányi 1. c. p. 204. – Cf. et Theiner 1. c. T. I. p. 772.

900.
1349. (Vácz.) 23. Mart. – Capitulutn Vaciense, possessionem Nana, metis distinctam et capitulo Strigoniensi relictam esse, regi rescribit.
Excellentissimo principi, domino Lodouico, Dei gracia regi Hungarie, domino suo, capitulum ecclesie Wachyensis, oracionum suffragia devotarum. Noverit excellencia vestra nos litteras vestras debita cum reverencia recepisse, in hec verba:
Lodouicus, Dei gracia rex Hungarie, fidelibus suis capitulo ecclesie Wachyensis, salutem et graciam. Dicit nobis magister Mathyas archydiaconus Kamaruniensis, quod quedam possessio ecclesie Strigoniensis et per consequens eidem capitulo per nos, ut refertur, in concambium data, Nana vocata, in Strigoniensi comitatu, apud manus eorum existens, reambulacione metarum ereccionibus et ab aliorum possessionibus separacione plurimum indigeret. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, coram quo Ladizlaus de Patach, vel Mauricius de eadem, homo noster altero absente, accedat ad faciem memorate possessionis et presentibus vicinis eiusdem reambulet eandem per veras metas et antiquas et ubi necesse fuerit, iuxta veteres novas erigat metas, si non fuerit contradictum; contradictores vero, si qui fuerint, contra ipsum capitulum ad nostram citet presenciam