Donch et Ladislao filio suo, Domino volente, migratis ab hac luce, ipsa causa in eosdem magistros Stephanum et Nicolaum, filios ipsius magistri Donch et Johannem filium dicti magistri Ladislai filii Donch, ad quem ipsa causa mortuo ipso magistro Ladislao patre suo, regni consuetudine requirente, extitisset devoluta, et dominum archyepiscopum prelibatum iuxta continenciam priorum litterarum nostrarum, plurimorum terminorum dilaciones exprimencium, dilatata et ad ultimum sub forma faciende pacis[702], ad diem Cynerum tunc presentem, prorogative devenisset. Tandemque in ipso die Cynerum, pro prememoratis domino archyepiscopo, magister Johannes notarius suus, cum procuratoris litteris suis ab una; item Petrus dictus Vaguch, pro magistro Nicolao filio Donch, cum procuratoriis litteris regalibus; pro ipso autem magistro Nicolao filio Donch, Mychael litteratus; pro prefato vero Johanne filio Ladislai filii Donch, Mychael filius Petri, servientes ipsorum, ambo cum sufficientibus litteris procuratoriis capituli Jauriensi antedicti, parte ex altera; ad nostram accedentes presenciam iudiciariam, nostra licencia concordandi habita prius et optenta, in causa annotata taliter dixerant et confessi extiterant se concordasse: quod sabbato proximo post festum Passce Domini proxime tunc affuturum[703], idem dominus archyepiscopus, Stephanus et Nicolaus filii Donch, propriis eorum in personis, dum modo predictus dominus archyepiscopus per aliquam infirmitatem prepeditus, aut in negociis regni occupatus tunc non existeret, si vero aliqua premissorum sibi evenire contingeret, extunc procurator suus legittimus illic accederet et negocium ac processum premissum ad alterum terminum sine aliquo iudiciario gravamine prorogaret: pro ipso autem Johanne filio Ladislai legittimus suus procurator in facies predictarum litigiosarum terrarum inter Guta et Ekech vocatarum accedere, idemque dominus archiepiscopus litteralia instrumenta dicte ecclesie sue Strigoniensis, ipsam possessionem archyepiscopalem, Gutha nuncupatam, cum aliis suis possessionibus in eisdem litteris contentis denotancia et metas earumdem exprimencia, illic asportari, iuxtaque seriem earumdem et cursus metarum in eisdem contentarum, dicti filii magistri Donch et legittimus procurator ipsius Johannis filii Ladislai, omnia ea que intra metas in ipsis litteralibus instrumentis dicte ecclesie Strigoniensis continerentur, ipsi domino archyepiscopo personaliter ibi comparenti et per consequens dicte ecclesie sue, sicut prius relaxaverant et remiserant, sic et ad tunc remitterent et relaxarent perpetuo possidere; tali obligacione mediante, quod si iidem magistri Stephanus et Nicolaus, filii magistri Donch, pro predicto autem Johanne, filio Ladislai filii Donch, legittimus suus procurator, die prefixo, ad facies predictarum litigiosarum terrarum non accederent et omnia ea, que intra metas in dictis instrumentis continerentur, iuxta seriem eorumdem instrumentorum ipsi domino archyepiscopo ibi personaliter comparenti et per eum dicte ecclesie sue pacifice possidere non relinquerent et ipsam litem per eosdem suscitatam et sopitam sopiri et sedare non curarent, extunc in quinquaginta marcis, sine iudicis porcione, ante litis ingressum persolvendis, convincerentur eo facto. Ad que omnia premissa dictos filios magistri Donch et Johannem filium Ladislai filii Donch, procuratores eorum prelibati, auctoritate littararum procuratoriarum premissarum sponte obligarunt coram nobis; de iudicio autem pacis nos communiter placare assumpserant partes annotate. Super quo amicis nostris capitulo ecclesie Jauriensis amicabiliter scripsissemus, eorum amiciciam diligenter postulando, quatenus

[702] 1349. 25. Febr.

[703] 1349. 18. Apr.