ipsorum mitterent homines pro utrisque partibus, pro testimoniis fidedignos, coram quibus Mychael, filius Petri de Vamus, vel Nicolaus filius Martini de Kulchugh, aut Marcyl (sic) de Madar, sive Laurencius filius Petri de Kurthakezeu, pro parte dictorum filiorum magistri Donch et Johannis filii Ladislai; item Raphael de Lybad, vel Nicolaus de Mochola, aut Petrus filius Apor de Hetyn, pro parte ipsius domini archyepiscopi, aliis absentibus homines nostri, sabbato prenotato[704], ad facies ipsarum litigiosarum terrarum accederent, omniaque premissa viderent et exsequerentur iuris ordine mediante; et post hec premissorum seriem prout fieret oportunum, ad octavas festi beati Georgii martiris tunc venturas[705], per partes nobis amicabiliter rescribi postularamus. In quibus eciam octavis de premisso iudicio habite pacis, partes prenotate satisfaccionem nobis impendere tenerentur. Tandem ipsis octavis festi beati Georgii martiris adherentibus, pro prescripto domino archiepiscopo magister Johannes, notarius suus cum procuratoriis litteris eiusdem; item Petrus dictus Waguch, pro magistro Nicolao filio magistri Donch, cum procuratoriis litteris regalibus; pro ipso autem magistro Stephano filio eiusdem magistri Donch Mychael litteratus; pro prefato vero Johanne filio Ladislai, filii magistri Donch antedicti, Mychael filius Petri, ambo cum procuratoriis litteris capituli Jauriensis supradicti, ad nostram accedentes presenciam, duo paria litterarum capituli ecclesie Jauriensis rescripcionalium, sub una forma verborum emanatarum nobis presentarunt. Quarum tenor is est:
Magnifico viro et honesto, domino Nicolao regni Hungarie palatino et iudici Comanorum, amico ipsorum reverendo capitulum Jauriensis ecclesie amiciciam paratam, debito cum honore. Litteras vestre magnificencie nobilitatis, modum et formam sentenciarie deliberacionis et composicionis inter magistros Stephanum et Nicolaum, filios quondam magistri Donch de Kamarum et Johannem filium Ladislai filii eiusdem Donch ab una, et venerabilem in christo patrem dominum Chanadinum archyepiscopum Strigoniensem, locique eiusdem comitem perpetuum ex altera exprimentes, reverencia qua decuit recepimus; in quarum serie inter cetera vidimus contineri, ut una cum Mychaele filio Petri de Vamus, Laurencio filio Petri de Kurthakezeu et Marcyl de Madar, pro partibus predictorum magistrorum Stephani et Nicolai filiorum Donch et Johannis filii Ladislai filii eiusdem Donch; et Nicolao de Mochola pro parte eiusdem domini archyepiscopi Strigoniensis, hominibus vestris, nostros homines, pro testimoniis fidedignos, transmitteremus, coram quibus sabbato proximo post festum Passce Domini proxime iam preteritum[706], predictus dominus archyepiscopus Strigoniensis propria in persona, nisi infirmitate vel in negociis regni esset prepeditus; et prenominati magistri Stephanus et Nicolaus filii, quondam magistri Donch, similiter propriis eorum in personis, legittimusque procurator ipsius Johannis filii Ladislai, ad facies dictarum litigiosarum terrarum inter Gutha et Ekech vocatarum accederent, idemque dominus archiepiscopus litteralia instrumenta dicte ecclesie sue Strigoniensis ipsam possessionem archyepiscopalem Gutha nuncupatam, cum aliis suis possessionibus in eisdem litteris contentis et metas earumdem exprimencia, illic deberet asportare et iuxta seriem earumdem et cursus metarum in eisdem contentarum, prenominati magistri Stephanus et Nicolaus, filii quondam magistri Donch, et legittimus procurator Johannis filii Ladislai, ea que in ipsis litteralibus instrumentis dicte ecclesie

[704] 1349. 18. Apr.

[705] 1349. 1. Maii.

[706] 1349. 18. Apr.