Datum Strigonii, in octavis festi Nativitatis beati Johannis Baptiste, anno Domini M-o CCC-o XL-mo nono.
Extus in plicatura manus saec. XV. adnot.: XL dierum indulgencias pro fabrica, archiepiscopus. – Sigillum deperditum. – Orig. membr., in Arch. Cap. Poson. Priv. Capsa J. fasc. 1. nr. 2.

917.
1349. (Balassa-Gyarmat.) 2. Jul. – Nicolaus palatinus, filios Bitter de Kékkő et Georgium de Bény, super possessionibus Sztregova et Harkány, eidem Georgio iure matris suae obvenientibus, amicam compositionem inisse perhibet.
Tenorem vide sub nr. 945.

918.
1349. Bars. 2. Jul. – Nicolaus palatinus, nonnullas libertates monasterii s. Benedicti de iuxta Gron, confirmat.
[N]os Nicolaus, regni Hungarie palatinus et iudex Comanorum, memorie commendantes tenore presencium significamus quibus expedit universis, quod in congregacione nostra generali universitati nobilium comitatus Borsiensis, feria secunda proxima post festum Nativitatis beati Johannis Baptiste[710], in Bors celebrata, vir religiosus dominus frater Syffridus, abbas monasterii sancti Benedicti de iuxta Gron, ad nostram personaliter accedendo presenciam, primo quasdam litteras privilegiales serenissimi principis domini Lodouici, Dei gracia illustris regis Hungarie, domini nostri, sub anno Domini millesimo CCC-o XL-mo septimo emanatas[711], tenorem et formam litterarum privilegialium excellentissimi quondam principis Karoli, pridem similiter incliti regis Hungarie, patris sui clare memorie, que litteras privilegiales domini Andree, quondam illustris regis Hungarie laudande recordacionis, sub anno Domini M-mo ccmo decimo septimo emanatas[712] confirmabant et seriem ac formam earumdem continebant, de verbo ad verbum in se continentes et easdem confirmantes, demonstravit; in quarum litterarum privilegialium ipsius domini Andree regis, inter cetera, hanc clausulam adinvenimus: quatenus cuiuscunque nacionis homines: Saxones videlicet, Hungari, Sclaui seu alii ad terram monasterii sancti Benedicti de Garon commorandi causa iam convenerunt vel convenire voluerint, prerogativa eiusdem libertatis iure perpetuo gaudeant, qua hospites nostri regales in Pest, Albe vel Bude commorantes, auctoritatis regie privilegio, tranquilitate perpetua perfruantur; sub hys videlicet excepcionibus, quatenus de omnibus proventibus et comoditatibus, que ad regiam iurisdiccionem pertinerent, tam in tributis et in descensibus, quam in liberis denariis et ponderibus seu aliis quibuscunque debitis, qui in nostro regno solent, vel eciam possent emergere, nec fysco nec cuique hominum respondere teneantur, sed ad ecclesiam (sic!) memorate iurisdiccionem, tam in iudiciis faciendis, quam in aliis que duximus, liberalitate regia sint in perpetuum deputata. (sic!) Posthec litteras privilegiales eiusdem domini Karoli regis, prelibato monasterio sancti Benedicti super libertate eiusdem datas et concessas presentavit, postulans nos dominus abbas memoratus, ut easdem litteras privilegiales domini Karoli regis, de verbo ad verbum nostris privilegialibus litteris inseri faceremus et

[710] 1349. 29. Jun.

[711] 1347.

[712] 1217.