idem monasterium, ac ipsius populum et ad idem pertinentes, in libertatibus per prefatos reges Hungarie eidem concessis, conservare et pacifice perseverari committeremus; quarum quidem litterarum privilegialium ipsius domini Karoli regis tenor ys est:
Sequuntur lit. Caroli I. regis de a. 1328. 18. Mart. datae, et sub nr. 192. ex ipso origin. commun.[713]
Nos igitur legitimis peticionibus ipsius domini abbatis favorabiliter inclinati, de tenore litterarum privilegialium ipsius domini Andree regis clausulam annotatam, tenorem vero privilegii ipsius domini Karoli regis, de verbo ad verbum transcribi, nostrisque litteris privilegialibus inseri fecimus ad cautelam, ipsumque monasterium et eiusdem abbatem, ac populum in libertatibus per prefatos reges Hungarie eidem graciose concessis, pacifice et quiete perseverari ac commorari committentes. Datum, quarto die congregacionis nostre predicte, in loco annotato, anno Domini millesimo CCC-o XL-mo nono.
Sigillum, bene convervatum, e flavo et viridi serico pendet. – Orig. membran., in Arch. Capit. Strigon. Priv. Lad. 40. fasc. 3. nr. 16.

919.
1349. Bars. 4. Jul. – Nicolaus palatinus, Stephanum et Egidium de Szente, contra abbatem s. Benedicti, in iudiciis convinctos esse, declarat.
Nos Nicolaus, regni Hungarie palatinus et iudex Comanorum, damus pro memoria, quod in congregacione nostra generali universitati nobilium comitatus Borsyensis, feria secunda proxima post festum Nativitatis beati Johannis Baptiste[714], in Bors celebrata, religiosus vir dominus Sefridus, abbas monasterii sancti Benedicti de iuxta Gron, de medio aliorum personaliter consurgendo, proposuit tali modo: quod cum iobagiones monasterii dicte ecclesie sue de villa Beseneu, quemdam iobagionem, in festo Invencionis corporis sancti Stephani prothomartiris proxime transacto[715], iuxta regni consuetudinem in eandem villam Beseneu ducere voluisset, Stephanus filius Beke, officialis eiusdem ville Zenthe, una cum Egidio viceofficiali suo, ac universis iobagionibus de eadem contra eosdem exeundo, octo boves, duo equos et tres currus cum frugibus repletos, propria ipsorum auctoritate, culpis eorum non requirentibus, abstulissent; tandemque eosdem Stephanum et Egidium, ad octavas diei Cynerum proxime preteritas, ad presenciam domini nostri regis evocasset, de predictis ablatis racionem reddituros. Qui quidem Stephanus et Egidius; ad predictas octavas diei Cynerum[716] ad presenciam comitis Pauli iudicis curie regie non venissent, nec misissent, prout hoc idem dominus abbas per exhibicionem litterarum iudicialium ipsius comitis Pauli declaravit; qui quidem Stephanus et Egidius, ad presentem congregacionem non venerunt, nec miserunt, per prefatum dominum abbatem quinque diebus dicte congregaeionis nostre legitime expectati. Unde eosdem, contra ipsum dominum abbatem, commisimus in iudiciis fore convictos, si se racionabiliter non poterunt excusare. Datum sexto die congregacionis nostre predicte, in loco annotato, anno Domini M-o CCC-o XL-mo nono.

[713] 1328. 18. Mart.

[714] 1349. 29. Jun.

[715] 1348. 3. Aug.

[716] 1349. 4. Mart.