inpetitoribus defendere et in pacifico inpignorativo dominio eiusdem tercie partis conservare, donec redimere possent ab eisdem, suis propriis laboribus et expensis; et idem magister Mese spontanea sua voluntate assumpsit hoc coram nobis, ut prefatis domine et Nicolao filio suo, ac aliis filiis eiusdem domine, temporibus oportunis adesse, prodesse et eosdem in omnibus ipsorum necessitatibus iuvare, defendere et protegere et ipsis benefacere promptus esset et paratus. Datum, feria tercia proxima post festum Omnium Sanctorum[727], anno Domini Millesimo CCC-o XL-mo octavo.
Nos itaque eiusdem Andree precibus permolliti, prefatas litteras, verbotenus preinsertas, in presentes redigi fecimus, nostrique sigilli appensione communiri. Datum, feria quarta proxima post festum beati Bartholomei apostoli, anno Domini M-o CCC-o XL-mo nono.
A. B. C.
Sigillum integrum e rubro serico pendet. – Orig. in Arch. Cap. Poson. Publ. Capsa 14. fasc. 3. nr. 8.

932.
1349. Vácz. 26. Aug. – Michael episcopus Vaciensis, capitulum Poson. decimas vinearum in comitatu Poson. et quartam frugum civitatis, semper pacifice habuisse, Ludovico I. regi rescribit.
Nos Mychael, Dei et apostolice sedis gracia episcopus Wachyensis, significamus quorum interrest, vel intererit, tenore presencium universis, quod nos anno Domini M-o CCC-o XL-mo nono, feria quarta proxima post festum beati Bartholomei apostoli[728] proxime iam preteritum, litteras excellentissimi principis, domini Lodouici, Dei gracia illustris regis Hungarie, domini nostri, nobis presentatas recepimus in hec verba:
Lodouicus, Dei gracia rex Hungarie, fideli suo venerabili in Christo patri domino Mychaeli episcopo Wachyensi, salutem et graciam. Dicit nobis discretus vir magister Stephanus canonicus ecclesie sancti Salvatoris de Posonio sua, capituli loci eiusdem vice et nominibus, quod decima pars decime vinorum comitatus Posoniensis et quarta pars frugum civitatis nostre Posoniensis ipsorum esset et omni iure ad ipsos pertineret; quas decimam vinorum dicte decime et quartam partem frugum ipsi ab ipso tempore, quo non extaret memoria et eciam in vestris, ac predecessorum prepositorum temporibus percepissent et pro se ipsis recipi fecissent et nunc reciperent. Quare fidelitatem vestre paternitatis presentibus requirimus, nichilominus vobis precipiendo mandamus, quatenus prout exinde vobis veritas constat: utrum modo premisso dictum capitulum ecclesie Posoniensis, vestris predecessorum temporibus ipsas decimas receperint nec-ne, in vestris litteris fideliter rescribatis. Datum in Themeswar, secundo die festi beati Dominici confessoris[729], anno Domini M-o CCC-o XL-mo nono.
Ad quas eidem domino regi respondemus in hunc modum: quod tempore quo prepositus Posoniensis extitimus, decima pars decimarum vini civitatis et comitatus Posoniensis et medietas decimarum frugum eiusdem civitatis, ad ecclesiam Posoniensem, seu ad prepositum et capitulum pertinebat et per nos ac ipsum capitulum percepiebatur absque contradiccione aliquali, et sicut tunc referebatur, eodem modo temporibus predecessorum nostrorum extiterat observatum

---

[727] 1348. 3. Nov.

[728] 1349. 26. Aug.

[729] 1349. 6. Aug.