observatum. In cuius rei testimonium presentes concessimus litteras, nostro sigillo autentico consignatas. Datum Wachye, anno et die prenotatis.
Sigillum tergo fuit appressum. – Orig. membr., in Arch. Capit. Poson. Priv. Capsa G. fasc. 6. nr. 148.

933.
1349. Intra 31. Jul , – 27. Aug. – Plebanus de Maroth, praeposito Dömösiensi literas citatorias exhibuisse, vicario archiepiscopali, rescribit.
Honorabili viro magistro Nevgradiensi doctori decretorum, nec non reverendi in Christo patris domini Chenadini, archiepiscopi Strigoniensis vicario generali, Sifridus plebanus ecclesie de Moroth, cum debita subieccione, oraciones in Christo humiles ac devotas. Scire dignetur vestra discrecio plurimum reverenda, quod receptis, visis et perlectis vestris literis, cum propter corporalem infirmitatem virtute dictarum literarum ad citandum dominum Martinum prepositum de Demys accedere non possem propria in presencia, literas citatorias per Petrum officialem domini Danielis, abbatis (expunct.: ac) Wissegradiensis, ac Petrum clericum meum transmisi, qui venientes ibidem in die ad vincula sancti Petri, circa horam nonam, antedictum dominum prepositum in presencia suorum canonicorum, videlicet Henrici custodis ecclesie eiusdem, Jacobi decani, Petri canonici et aliorum fide dignorum citarunt et ad vestram presenciam evocarunt, diem et terminum ad comparendum (expunct.: eundem) eidem coram vobis asignantes, secundum vestrarum formam et continenciam literarum in signum (expunct.: exes) executionis vestri mandati; cum sigillo proprio caream, sigillo religiosi viri fratris Johannis, prioris sancti Andree de Wissegrad usus sum inpresenti.
Sigillum tergo fuit appressum. – Orig. chart,. in Arch. Cap. Vesprim. Lit. Eppatus mancae. Lad. 91. nr. 18. Quoad data cf. nr. 924.

934.
1349. 3. Sept. – Capitulum Posoniense, Nicolaum de Csölle, Lucae de eadem, unum integrum laneum in Récse, quinque libris denariorum oppignorasse testatur.
Capitulum ecclesie Posoniensis, significamus tenore presencium, quibus expedit, universis, quod Nicolaus, filius Sandor de Cherle, coram nobis personaliter constitutus, profitebatur, quod ipse quinque libras denariorum Wiennensium a Luca, filio Mathey de eadem Cherle, qui eciam presens adherat, super uno integro laneo, quem eciam prius per alias litteras nostras eidem Luce de parte sua possessionaria in Reche, titulo pignoris ad utendum collocarat, recepisset et haberet per hunc modum: ut postquam anni, ad quos sibi iuxta seriem iam dictarum litterarum nostrarum impignoravit, expirabunt, ultra ipsos annos iterum quinque annis aliis tenere et possidere debeat laneum annotatum, qui, si elapsis annis prioribus et eciam posterioribus, ut littere super eo confecte innuunt, cum pecunia prius et eciam posterius sibi data et concessa, a dicto Lucha ipsum laneum redimere poterit et liberare, bene quidem; alioquin ultra ipsos annos tamdiu tenebit et possidebit, donec pecunia sua totalis ad plenum sibi non fiet (sic) restituta; defendere autem racione dicti laney medio tempore et utilitatum

---