eiusdem prelibatum Lucham ab omnibus, prefatus Nicolaus filius Sandor, tenebitur suis laboribus et expensis. Datum, feria quinta proxima post festum beati Egidii abbatis et confessoris, anno Domini M-o CCC-o XL-mo nono.
Sigillum tergo fuit appressum. – Orig. in Arch. Cap. Poson. Publ. Capsa 7. fasc. 1. nr. 10.

935.
1349. Buda. 6. Sept. – Ildebrandinus, episcopus Paduanus, Joannem procuratorem Petri Begonis, literas apostolicas, super exhibenda decima biennali, pro succursu terrae Nigripontis, Chanadino archiepiscopo exhibuisse, perhibet.
Nos Ildebrandynus, Dei gracia episcopus Padwanus, notum facimus universis, quod cum nos in quibusdam negociis reverendissimi in Christo patris domini Guidonis, tituli sancte Cecilie presbiteri cardinalis, apostolice sedis legati domini nostri, per ipsum destinati, ad serenissimam principissam dominam reginam Hungarie in civitate Budensi, sexto die mensis Septembris venissemus[730], magister Johannes, procurator domini Petri Begonis, prpcuratoris reverendi patris domini Guillermi sancte Marie in Cosmedyn dyaconi cardinalis, proventuum suorum in omnibus partibus regni Hungarie, ad nostram personaliter accedens presenciam dixit, se exhibuisse seu tradidisse quasdam litteras apostolicas, super exhigenda decima byennali pro succursu terre Nigripontis, decimo octavo die mensis Augusti[731], anno in presenti reverendo patri domino Chanadino archiepiscopo Strigoniensi et in ipsius domini archiepiscopi persona, procurator eiusdem, videlicet magister Mathias archidiaconus Komaruniensis, per ipsum dominum archiepiscopum recepisse die et loco ut supra. Anno Domini M-o CCC-o XL-mo nono.
Sigillum cerae rubrae in margin. ext. appressum. – Origin. membran., in Arch. Prim. Arch. Eccl. Vet. nr. 27/4.

936.
1349. (Győr.) 10. Sept. – Capitulum Jaurinense, decimam decimae vinorum et quartam frugum capitulo Posoniensi competere, regi rescribit.
Serenissimo principi domino Lodouico, Dei gracia illustri regi Hungarie, domino eorum post Deum super omnia metuendo, capitulum Jauriensis ecclesie oracionum suffragia devotarum, in omnium Salvatore. Litteras serenitatis vestre honore quo decuit et conveniens fuit recepimus, hunc tenorem continentes:
Lodouicus, Dei gracia rex Hungarie, fidelibus suis capitulo ecclesie Jauriensis, salutem et graciam. Dicit nobis discretus vir magister Stephanus canonicus ecclesie sancti Salvatoris de Posonio sua et capituli loci eiusdem vice et nominibus, quod decima pars decime vinorum comitatus Posoniensis et quarta pars decime frugum civitatis nostre Posoniensis, ipsorum esset et omni iure ad ipsos pertineret; quas decimam decime vinorum et quartam partem frugum, ipsi ab eo tempore, quo non extaret memoria, percepissent et pro se ipsis recipi fecissent et nunc reciperent. Quare fidelitati vestre precipiendo mandamus, quatenus vestrum mittatis hominem pro testimonio fidedignum, quo presente magister Andich de Ogiad, vel magister Leucus, filius Abrahe Ruffi de Checlez, ac Farcasius

[730] 1349. 6. Sept.

[731] 1349. 18. Aug.