in ryvulo[101] Byksevuyche seu ryvulo[102] abbatis Theutunice vocato et in alio ryvulo[103] superiori Feneuseunyche nuncupato, qui est terminus et meta ipsius monasterii, item super aquam fluvii Goron in terminis eiusdem monasterii decurrentis singulis annis statuto termino secundum consuetudinem montanorum singulos florenos legittimi ponderis et monete omni dilacione et occasione qualibet non obstante religiosis viris, dominó abbati et suo conventui in monasterio ipsorum pro censu annuo persolvere debuissemus, sicut eciam in binis litteris nostris privilegialibus et sub penis in eisdem contentis maturo et deliberato consilio prehabito assumpseramus bona et certa fide nostra mediante. Tamen eadem nostra interposita fide, ut predicitur, et Dei timore postpositis ipsum censum nullo anno persolvimus, ymmo[104] ipsam solucionem contumaciter non sine presumpcione, fatemur, temeraria negleximus hactenus adimplere. Nuper siquidem prefatus inclitus dominus noster rex magnificum virum, dominum Olyverium, magistrum tawarnicorum suorum super eadem solucione facienda sub firmissimo precepto ad nos destinaverat, necnon serenissima domina regina Fryczkoni comiti nostro per specia-lem nuncium[105] suum Andream vicemagistrum tawarnicorum regalium ad faciem eandem solucionem faciendam districtissime precepit, et post hec super omnia in litteris domini regis patentibus speciale et firmissimum habuimus mandatum, quod de singulis quinque annis, ut prefertur, neglectis, quibus solvere hactenus tenebamur, iudex nostre civitatis predicte omnes et singulos concives nostros ac alios quoscumque in territorio et intra metas dicti monasterii et in predictis aquis molendina habentes regia auctoritate coherceat et conpellat ad censum eorundem annorum neglectorum debitum in toto et ex integro persolvendum. Alioquin idem[106] iudex noster, iurati et concives nostri cum aliis hospitibus molendina intra metas possessionis dicti monasterii habentibus, quique dictum censum hactenus solvere neglexerunt, contra predictum dominum abbatem et suum conventum in octavis festi purificacionis Virginis Gloriose proxime venturis coram regia maiestate in Buda comparere debeant super premissis singulis quinque annis neglectis racionem reddituri, prout regie maiestati videbitur expedire. Consideratis igitur mandatis regiis ac reginalibus multiplicibus ac nostris negligenciis et presumpcionibus nostre saluti eciam valde contrariis contra monasterium perpetratis, prehabito inter nos maturo et decenti consilio quatuor ex iuratis civitatis nostre ad supradictum dominum abbatem et suum conventum transmisimus de eisdem nostris negligenciis et presumpcionibus perpetratis indulgenciam postulantes. Tandem dominus abbas et conventus Deum habendo pre oculis nobiscum misericorditer, graciose et amicabiliter egerunt pro malo nobis bonum reddentes et solucionem preteritorum quatuor annorum nostre peticionis intuitu relaxa-runt, tali obligacionis vinculo mediante, ut ammodo[107] in futura tempora prenotatum monasterium in iuribus suis universis, sicut in prioribus litteris nostris privilegialibus assumpsimus, sic et nunc cum penis in eisdem litteris contentis bona fide assumimus et volumus indempne in perpetuum amicabiliter conservare. Ita, quod predicti iudex et iurati nostre civitatis singulis futuris annis de singulis rotis molendinorum predictorum tenebuntur presente homine sive testimonio ipsius domini abbatis et conventus singulos florenos legittimi ponderis et monete exigere integre et ex toto et feria quinta in die medii quadragesime ante dominicam Letare sine crastinacione in ipsorum monasterio ipsi domino

[101] az átírásban: rivulo

[102] az átírásban: rivulo

[103] az átírásban: rivulo

[104] az átírásban: ymo

[105] az átírásban: nunccium

[106] az átírásban sor fölé írva

[107] az átírásban: amodo