dotaliciorum et rerum parafarnalium (sic) reddidit omnino gratis et absque aliqua pecunia expeditos. Obligando se, quod quicunque processu temporum eundem Saulum, uel suos successores ratione dotaliciorum, ac rerum parafarnalium uellent impetere, uel uexare; extunc idem Petrus et sui successores tenebuntur eundem Saulum et suos successores expedire proprijs laboribus et expensis. In cuius rei memoriam nostras concessimus litteras, sigilli nostri munimine roboratas. Datum in uigilia beati Joannis baptiste, anno domini M°. C°.C°.C°. secundo.
Sigillum ex albis filis dependet. Orig. evanidum in Arch. Cap. Poson. publ. Capsa 33. fasc. 1. Nr. 1.
548.
1302. 6. Jul. - Capitulum Poson. filios Mikonis de Magyari filiis Endre de Olgya Paulum servum tribus marcis vendidisse testatur.
Nos Capitulum ecclesie Poson. omnibus xpi. fidelibus, presentem paginam inspecturis, salutem in salutis largitore. Ad vniuersorum noticiam tenore presencium uolumus peruenire. Quod Michael et Emericus, filij Miko cognomine Zup de uilla Mogori, coram nobis personaliter constituti, unum seruum eorum nomine Paulum, filium uidelicet Pete, hereditarie ancille ipsorum, coram nobis constitutum, condicionemque suam profitentem, Andree, Nicolao et Endrc, filijs Endree de uilla ocga et post ipsos eorum filijs, filiorumque posteritatibus vniuersis, tribus marcis denariorum latorum viennensium uendiderunt perpetuo possidendum; tali condicione interiecta, quod si processu temporum racione empcionis ipsius serui contra ipsos Andream, Nicolaum et Endre per quempiam materia questionis moueretur; ijdem Michael et Emiricus assumpserunt expedire eosdem proprijs laboribus et expensis, dicto seruo nichilominus filijs Endree remanente. In cuius rei testimonium, memoriamque firmiorem presentes concessimus litteras, sigilli nostri munimine roboratas. Datum anno domini M°. CCC°. secundo. In octauis beatorum Petri et Pauli apostolorum.
A. B. C.
Sigillum e rubro serico pendet. Orig. in Arch. Cap. Poson. publ. Capsa 14. fasc. 23. Nr. 32.
549.
1302. 6. Jul. - Conuentus Cruciferorum Strigon. Poucam filium Petri in uilla Saap Comitatus Strigon. portionem habere, Regi Ladislao rescribit. "Nouerit

---