Nouerit eciam uestra maiestas , quod propter absenciam custodis ecclesie nostre presentes sub sigillo nostri magistri seu Magistratus, Vestre maiestati duximus transmittendas. Datum in octauis apostolorum Petri et Pauli."
Nagy. Cod. Andeg. I. 33.
550.
1302. 23. Aug. - Conuentus Cruciferorum Strigon. literas super terra Graduch edit. - "Datum in villa beali Bartholomaei."
Fejér Cod. dipl. VIII. I. 110. - Villa haec b. Bartholomaei errore solum descriptoris exorta fuerit, sine dubio legendum erit: Datum in vigilia beati Bartholomaei.
551.
1302. ante 10. Sept. - Carolus I. Rex Joanni Episcopo et per eum Episcopatui Nitriensi ob praeclara eius merita, praecipue "quod cum venerabili viro, domino Gregorio, electo Strigon., de consilio et consensu prelatorum, Baronum et nobilium Regni Hungarie, in introduccione nostra in Hungariam regnum nostrum gratissimos et fideles exhibuit famulatus," Comitatum Nitriensem in perpetuum donat. "Datum per manus venerabilis viri, domini Gregorij, dei et apostolica gracia electi et amministratoris Strigoniensis et Albensis ecclesiarum generalis, dilecti et fidelis nostri, Aule nostre vicecancellarij, Anno ab incarnacione domini Millesimo Trecentesimo secundo, Regni antem nostri anno secundo.
E transsumpto Chanadini Archi-Episcopi Strig. a. 1337. 5. Febr. In Arch. Episc. Nitr. J. D. I. fasc. 1. Nr. 2. - Ed. Fejér Cod. dipl. VIII. I. pag. 94.
552.
1302. 10. Sept. - "Gregorius dei et apostolice sedis gracia electus et aministrator Strigon. ecclesie; Stephanus eiusdem gracia in Archiepiscopum Colocensis ecclesie electus et consecratus; Mikael zagrabiensis, Paulus quinqueecclesiensis et Nicolaus Boznensis dei gracia ecclesiarum episcopi" Nrum. 551. transscribunt, adprobant et sentencia excommunicationis in transgressuros

---