ecclesie Nytriensis per ipsum conventum Sancti Benedicti suum legitimum procuratorem ibidem in specie exhibendis primo predictam possessionem Kouachy vocatam secundum cursus metarum in ipso privilegio domini Karoli regis confirmatorio conscriptarum et contentarum, ac eciam secundum ostensionem et demonstracionem procuratoris dicti conventus ex parte predicte possessionis Nymchen vocate demumque supradictam possessionem Rohosnicha vocatam iuxta cursus metarum in ipso privilegio capituli ecclesie Nitriensis expressarum ac eciam iuxta ostensionem et demonstracionem procuratoris dicti conventus ex parte prenotate possessionis Nymchen a primis metis incipiendo usque ad finales metas reambularent demumque metas et metarum cursus iamdicte possessionis Nymchen secundum ostensionem et demonstracionem predicti Georgii a parte prenominatarum possessionum Kouachy et Rohosnicha vocatarum reambularent et, si ipse partes in huiusmodi reambulacionibus et ostensionibus metarum concordes[638] fierent, tunc unicuique ipsarum parcium suam possessionem novis metis, ubi necesse fieret, secus veteres erectis abinvicem separando et distinguendo statuerent, committerent et relinquerent perpetuo possidere, tenere et habere. Si vero in aliqua particula terre discordes existerent, tunc ipsam particulam terre litigiosam signis pro metis positis regali mensura mensurando, si mensurari posset, vel si mensurari[639] nequireret, visu considerando Deum habendo pre oculis, favore, amore et odio cuiuslibet partis non allecti unacum aliis probis viris estimarent regni consuetudine requirente viderentque et diligenter conspicerent, cuius partis mete ostense veriores, recciores et apparenciores existerent, et post hec ipsius possessionarie reambulacionis, statucionis et estimacionis seriem cum tocius peracti negocii processu, prout fieret expediens et oportunum, ad octavum diem earundem octavarum festi Beati Georgii martiris tunc venturum regie fideliter rescriberet maiestati capitulum Vachyensis prenotatum. Ipso igitur octavo die octavarum festi Beati Georgii martiris, termino videlicet reportacionis seriei premissorum adveniente predictus frater Andreas, prepositus dicti monasterii Sancti Benedicti pro ipso conventu Sancti Benedicti cum procuratoriis litteris eorundem ab una, et prelibatus Georgius, filius Petri[640] parte ex altera ad nostram accedendo presenciam litteras prememorati capituli ecclesie Wachyensis regie excellencie super premissis rescriptas nobis presentarunt inter cetera continentes, quod ipsum capitulum amicabilibus peticionibus nostris annuendo, sicut tenerentur, unacum discreto viro, Iohanne, plebano de Korpona et Iohanne Taar, hominibus regie magnitudinis loco domini Iohannis, prepositi de Kw, vicecomitis capelle regie et Lachk, fratris Kolos, qui impediti, prout ad hoc fuerant deputati, ire non poterant, discretos viros dominos Andream, archydiaconum de Zygethfeu pro parte religiosi viri, domini Ulrici, abbatis Sancti Benedicti de iuxta Gron et Iohannem pro parte Georgii, filii Petri de Nymchen, socios et concanonicos ac homines[641] eorum ad exequenda ea, que, ut premittitur, in litteris nostris continebantur pro testimoniis transmisissent, qui demum ad ipsum capitulum reversi eidem concorditer retulissent, quod ipsi in octavis festi Beati Georgii martiris proxime preteriti ad faciem predicte possessionis Kouachy vocate accessissent vicinis et commetaneis eiusdem legitime inibi convocatis et partibus presentibus iuxta tenorem et continenciam privilegii domini Karoli regis inibi in spécié exhibiti eandem secundum cursus metarum in ipso

[638] sor fölé írva

[639] posset, vel si mensurari: sor fölé írva

[640] utána az eredeti hozzáadja: per

[641] ac homines: sor fölé írva